AYUB 1:1 - Sura' Madatu

¹ Lan tondok Us den misa’ tau, disanga Ayub, tau iato mengkaola tongan sia bulo lollong sia mataku’ lako Puang Matua na umpatoyang kalena dio mai kadake.

AYUB 1:1 Referans Kwoze

YAKOBUS 5:11

Kilalai kumua iatu to bantang, tabilang maupa’; mangkamo mirangi tu kabantanganna Ayub, sia mangkamo mitiro tu katampakanna penggauranNa Puang, kumua sumpu mamase sia liu kaboro’.

YEHEZKIEL 14:14

sia iake denni dio te tau tallu, iamotu Nuh, Daniel na Ayub, manassa kalena manna tu ma’din narampanan tete dio kamaloloanna, kadanNa Puangta PUANG.

YEHEZKIEL 14:20

sia iake denni lan tu Nuh, Daniel na Ayub, la lekukraka tuoKu, kadanNa Puangta PUANG, manassa inang tae’ nala urrampananni tu anakna muane sia baine. Manassa kalena manna tu ma’din narampanan tete dio kamaloloanna.

AYUB 28:28

apa lako tolino ma’kada Nakua: Manassa iatu kamatakuran lako Puang – iamo kakinaan sia toyang dio mai kakadakean, iamo patiro penaa.

AYUB 2:3

Ma’kadami tu PUANG lako deata bulituk, Nakua: Mupemarangamoraka tu taungKu Ayub? Belanna misa’ tau dao kuli’na padang tae’ susinna, lendu’ tongan ia mengkaolana sia bulo lollongna sia mataku’na lako Puang Matua na umpatoyang kalena dio mai kadake. Sia tang leluk len lan kapengkaolanna, moi ammu naranNa’ ungkadakei sia ussanggang tang kebattuanni.

AYUB 1:8

Ma’kadami tu PUANG lako deata bulituk, Nakua: Mupemarangamoraka tu taungKu Ayub? Belanna misa’ tau dao kuli’na padang tae’ susinna, lendu’ tongan mengkaolana, bulo lollongna sia mataku’na lako Puang Matua sia umpatoyang kalena dio mai kadake.

KADADIAN 6:9

Iamote tu ulelean diona Nuh. Iatu Nuh misa’ to malambu’ penaanna sia tae’ sayuanna dio mintu’na tau attu iato, na iatu Nuh la’ka’ bang lako Puang Matua.

LUKAS 1:6

Iatu tau sola duai malambu’ penaanna langngan Puang Matua, napengkaolai bang tu pepasanNa sia Sukaran alukNa Puang, tae’ napasalai penaa.

SARAMBU PEADA’ 8:13

Iatu a’gan ungkataku’ PUANG iamotu ungkabiri’ kakadakean; kukabiri’ tu kamadaoan penaa, kamatampoan, penggauran bulituk sia sadang naponnoi pa’bulang leko’.

KADADIAN 22:12

Ma’kadami tu Malaeka’ Nakua: Da mupata’pai lima tu pia, sia da mupatumba lenni, apa Kuissanmo totemo tu kaungkatakurammu Puang Matua, belanna ia duka ia tu anakmu, anak tungga’, tae’ ammu pessinampei lako Kaleku.

KADADIAN 17:1

Iatonna ganna’mo kasera pulona ngkasera taunna tu Abram, ombo’mi tu PUANG lako kalena, sia ma’kada Nakua: Akumo Kapenomban Umpoissan angge maritik; la lolangko dio oloKu sia la lantuk tu penaammu.

BATING 4:21

Parannu bangmoko sia sende paimanko, e anak dara Edom, tu torro dio lili’na Us – la ditadoan dukamoko tu irusan, naurunganni malango sia ma’kambelang.

SARAMBU PEADA’ 16:6

Iatu kakelokan napa’dei pa’kaboro’ sia kamarurusan, sia bannang dio kamatakuran lako PUANG, anna toyang tu tau dio mai kakadakean.

2 DATU 20:3

nakua: O PUANG, la Mikilalai umba kukua lolang maruru’ dio oloMi sia lantuk penaangku sia kupogau’ tu apa melo dio pentiroMi. Pakalan si’dan-si’danmi tumangi’ tu Hizkia.

1 PETRUS 3:11

sia sipatu la ullempangan kakadakean, anna pogau’ kameloan; sipatu la undaka’ kamarampasan anna ula’i;

YEREMIA 25:20

sia mintu’ bangsa pantan tama sae sia mintu’ datunna tondok Us sia mintu’ datu tondok to Filistin, iamotu Askelon, Gaza, Ekron na Asdod, tu torrona siapa;

1 OSSORANNA DATU 1:42

Na iatu anakna muane Ezer iamotu Bilhan, Zaawan na Yaakan; na iatu anakna muane Disyan iamotu: Us na Aran.

1 OSSORANNA DATU 1:17

Iatu anakna muane Sem iamotu: Elam, Asyur, Arpakhsad, Lud, Aram, Us, Hul, Geter na Mesekh.

KATASSURAN 18:21

Apa la mudaka’ dio lu tau iato mai tu ba’tu pira-pira to malinta’ sia ungkabangnga’ Puang Matua, sia manappa’ sia ungkabiri’ saro bu’tu kadake, ammu angka’i pangulunna to buda, den pira umpangului sangsa’bu tau, saratu’ tau, limangpulo tau, na sangpulo tau.

KADADIAN 36:28

Iatu anakna Disyan: Us na Aran.

KADADIAN 10:23

Iatu anakna Aram iamo Us, Hul, Geter na Mas.

KADADIAN 42:18

Iatonna ma’tallung alloammo nakuami Yusuf lako: Pogau’i te ammi tuo, belanna ungkataku’na’ Puang Matua.

PA’TOLE 18:13

La tang sayuan tu gau’mu dio oloNa PUANG, Kapenombammu.

AYUB 4:6

Tangiaraka kamekaalukammu tu mupopentionganan, sia tae’raka murannuanni tu gau’ tang sayuammu?

AYUB 9:21

Tae’ salaku, tae’ kukabudai tu sunga’ku, kukagi’gi tu katuoangku, podo natonganna.

SARAMBU PEADA’ 3:7

Da musande’ lako kakinaammu, sangadinna kataku’i tu PUANG sia patoyangko kalemu dio mai kakadakean,

SARAMBU PEADA’ 14:2

Minda-minda ma’kedo bulo lollong, ungkataku’ PUANG, apa minda-minda tu unnola lalan kelok tang umpakala’bi’ Puang.

SARAMBU PEADA’ 14:16

Iatu to kinaa mataku’ sia toyang dio mai kakadakean, apa iatu to baga untengkai bang salunna, apa napomanaman duka.

SARAMBU PEADA’ 16:17

Iatu patunna to bulo lollong iamotu untoyangan kalena dio mai kakadakean; sia minda-minda ungkaritutui lalanna, iamo ungkanandai katuoanna.

SARAMBU PEADA’ 20:7

Iatu to malambu’ ma’gau’ malolo la maupa’ tu mintu’ anakna undinna.