AMOS 6:2 - Sura' Madatu

² Malekomi lako Kalne, ammi tiroi, sia ammi ke’de’ inde to dio mai lako Hamat kapua, ammi solo’ rokko Gat, lili’na to Filistin. Mandu meloraka to na iate kadatuan iate, mandu kalua’raka tu lili’na na iatu lili’mi?

AMOS 6:2 Referans Kwoze

NAHUM 3:8

Mandu melorokoka na iatu No-Amon, tu dio biring salu kapua, tu natikui uai, tu umpobenteng tasik sia umporinding tembo’ uai?

2 DATU 18:34

Umbara tu mai deatanna Hamat sia Arpad, umbara tu mai deatanna Sefarwaim, Hena sia Iwa? Nakulleraka ullendokan Samaria dio mai kuasangku?

KADADIAN 10:10

Iatu panglisuan parentana, iamo Babel, Erekh, Akad sia Kalne, lili’na Sinear.

2 OSSORANNA DATU 26:6

Tassu’mi tu datu urrarii to Filistin, natuanni tu benteng tembo’na Gat sia Yabne sia Asdod, nabangunmi tu ba’tu pira-pira benteng sikandappi’ Asdod sia lan lili’na to Filistin.

1 SAMUEL 17:4

Ta’kala sunmi lan mai tuntunan surodadu to Filistin misa’ pa’barani, disanga Goliat dio mai tondok Gat; iatu langka’na annan siku sangdangkan.

2 DATU 19:13

Umbamira tu datu Hamat sia datu Arpad, sia datu tondok Sefarwaim, sia Hena sia Iwa?

2 DATU 17:30

Iatu to lu dio mai Babel unggaragai rapang-rapang dipodeatanna Sukot-Benot, na to dio mai Kuta unggaragai rapang-rapang dipodeatanna Nergal, na to dio mai Hamat unggaragai rapang-rapang dipodeatanna Asima,

2 DATU 17:24

Iatu datu Asyur umpalele tau dio mai Babel sia dio mai Kuta sia dio mai Awa sia dio mai Hamat na Sefarwaim, nasua ma’tondok dio lu mintu’ kota lan lili’na Samaria la ussonda to Israel. Napotondokmi tu Samaria sia natorroi tu mai kotana.

1 DATU 8:65

Attu iato napakarayami Salomo sola mintu’ to Israel tu allo kapua, iamotu misa’ kasirampunan kapua, randuk dio mai lalan lu lako Hamat sae lako salu’-salu’ Mesir, dio oloNa PUANG, Kapenombanta, lan pitung allo sia pitu pole’pa allona, sangpulo a’pa’ allona mintu’.

1 SAMUEL 17:23

Tonna marassanpa sipa’kada tau iato mai, ta’kala sunmi lan mai tuntunan surodadu to Filistin tu pa’barani disanga Goliat, misa’ to Filistin dio mai tondok Gat. Anna pokadai tu mintu’ kada iato, naurungan narangi Daud.

1 SAMUEL 5:8

Iamoto anna ditambai ma’kombongan tu mintu’ arung kota to Filistin, anna ma’kada nakua: La tapatumbai tu pattinNa Kapenombanna to Israel? Mebalimi tu mintu’ arung nakua: Melo ke dipalelei tu pattinNa Kapenombanna to Israel, lako tondok Gat. Napalelemi tu pattinNa Kapenombanna to Israel.

YEREMIA 49:23

Diona Damsyik. Kasirisammo tu Hamat sola Arpad, belanna urrangimo kareba kadake; tigianggiangmo penaanna tu tau iato mai susi tasik mariak sia masussa tu penaanna na tae’mo narapa’ len.

1 SAMUEL 5:10

Napalelemi tau iato mai tu pattinNa Puang Matua lako Ekron, apa iatonna rampo tu pattinNa Puang Matua lako Ekron silallakan tu pa’tondokan dio Ekron, nakua: Nabaamo tu pattinNa Kapenombanna to Israel lako kaleta, la moraimo umpateiki’ sola sukunta.

2 SAMUEL 8:9

Iatonna rangimi Tou, datu Hamat, kumua natalomo Daud tu mintu’ surodadunna Hadadezer,