AMOS 3:10 - Sura' Madatu

¹⁰ Ondongpi tae’ naissanni umpogau’ malambu’na, kadanNa PUANG, iamo tu to umpasipapa’ pa’pandasa sia pa’pakario-rio lan mintu’ bentengna.

AMOS 3:10 Referans Kwoze

ZEFANYA 1:9

Allo ia dukato la Kuukung tu mintu’ to ungkondongi ampang sia iatu to umponnoi kamasa’garan sia pa’pakena tu banuanna puangna.

YEREMIA 4:22

Belanna tang paissan tu taungKu sia tae’ natandaiNa’; iatu tau iato mai susito pia baga sia tang keinaa; manarang umpogau’ kadake, apa tae’ naissanni umpogau’ melo.

PA’PUDIAN 14:4

Tae’raka kapaissananna tu mintu’ to ma’gau’ kadake tu unnimbakan taungKu butung ungkande bo’bo’? Sia tae’ nametamba lako PUANG.

2 PETRUS 3:5

Belanna naangga’i tau iato mai tang umpalan ara’i te iannate mai, kumua tete dio kadanNa Puang Matua inang denmo tempon dio mai tu langi’ sia lino duka dikombong dio mai uai tonna dipopa’misa tu kauaianna.

AMOS 6:12

Ma’dinraka tu mai darang ma’dondo dao lu buntu batu ba’tu ma’dinraka tu tasik natengko tau sapi? Apa kamu umpopembali rasunni tu salunna sia umpopembali apsantinni tu kamalamburan?

AMOS 5:7

O! tu to umpopembali apsantin tu kamalamburan sia umpentibean kamaloloan rokko padang.

YEREMIA 5:4

Apa kukua, iatu tau iato mai bongko; tau iato mai baga liu, belanna tae’ natandai tu lalanNa PUANG sia katongananNa Kapenombanna.

YEHEZKIEL 8:17

Ma’kadami lako kaleku Nakua: Mutiromoraka to, e ma’rupa tau? Tae’paraka nasilasa tu penggauran megallian napogau’ to Yehuda, tu napogau’ indete, naurungan dukai tu tau iato mai umponnoi kamasa’garan tu tondok iato sia nenne’ umpa’dikki penaangKu? Tiromi, iatu tau iato mai untoe tangke anggoro’ sikandappi’ illongna.

YEHEZKIEL 18:7

tang umpakario-rio tau, umpasulean apa napa’pentoean to kaindanan, tae’ namangrampa, naben rotinna tu to topo sia napaluangi tamangkale tu to ma’kambelang,

YEHEZKIEL 22:29

Iatu tau lan tondok ma’paruku sia mangrampa; umpandasa to bongko sia to mase-mase sia umpakario-rio to sae unnea katonganan.

AMOS 6:3

E kamu, tu ussangai mambelapa tu allo kamandasan, sia umpamareke’ kadera pa’pakario-rio.

AMOS 6:8

Iatu Puangta PUANG mangkamo umposumpa Kalena, KadanNa PUANG, Kapenombanna mintu’ ma’dandan maritik, Nakua: Kukagallimo tu kamatampoanna Yakub sia Kukabiri’mo tu tongkonan layukna; ondongpi la Kusa’biangan tu kota iato sola mintu’ apa lan.

MIKHA 6:10

Denparaka lan banuanna to tang mekaaluk tu ba’tu pira-pira ianan bu’tu tete dio katangmekaalukan sia epa tang ganna’ tu ditampakki ropu?

AYUB 20:21

Tae’ bang apa tilendok napobua’ kabarakanna, iamoto natang marendeng tu rongko’na.

SARAMBU PEADA’ 1:13

la taappa’ tu ma’rupa-rupa apa keangga’, iatu banuanta la taponnoi pangrampa;

SARAMBU PEADA’ 11:16

Misa’ baine mabalele unnappa’ kadipangkeran, susi duka tu to lalong unnappa’ kasugiran.

SARAMBU PEADA’ 28:5

Iatu to kadake tae’ natandai tu malolona, apa minda-minda undaka’ PUANG natandai nasang.

TOMANGADA’ 4:1

Kutiro pole’omi tu mintu’ pa’pakario-rio tu dipogau’ lan naarrang matanna allo, tiromi tu uai matanna mintu’ to dipakario-rio, namoi misa’ tae’ tau umpakatanai tu tau iato mai; rampe dio tu to ma’pakario-rio den kakuasan – namoi misa’ tae’ tau umpakatanai tu tau iato mai.

HOSEA 7:1

IangKu la umpakatanai sule tu to Israel, la payan tu kakelokanna Efraim sia kakadakeanna Samaria. Belanna ma’pakena bang: tama bang tu to boko, anna mangrampa tuntunan pa’gora’ dio salian.

AMOS 4:1

Tananni talinga te kada iate, e sapi Basan, tu untorroi buntu Samaria tu umpandasa to bongko sia umpakario-rio to mase-mase, tu ma’kada lako puangmi mikua: Benkanni angki mangiru’-iru’.