AMOS 3:1 - Sura' Madatu

¹ Tananni talinga te kada, tu Napokada PUANG diona a’gammi e to Israel, iamotu diona mintu’ pa’rapuan tu mangka Kusolan lan mai tondok Mesir, tu nakua:

AMOS 3:1 Referans Kwoze

AMOS 2:10

Sia mangkamokomi Kusolan lan mai tondok Mesir sia Kuanta’komi lan padang pangallaran patangpulo taunna, kumua ammi pomana’i tu tondok to Amori.

MIKHA 3:1

Ma’kadana’ kukua: Perangiimi, e kamu pangulunna Yakub sia to ullopian to Israel, tang sipaturokomika untandai tu salunna?

YEREMIA 8:3

La’biran mate ke la tuomira tu torrona, iamotu mintu’ to torropa dio lu pa’rapuan kadake iate, dio lu mintu’ inan Kunii urrambai tu tau iato mai, kadanNa PUANGna mintu’ ma’dandan maritik.

HOSEA 4:1

Perangii tu kadanNa PUANG, e to Israel, belanna den apa Napasalanni PUANG tu pa’tondokan, belanna tae’mo kamarurusan, tae’mo kamamasean sia tae’mo kapaissanan diona Puang Matua lan tondok iato.

YEREMIA 31:1

Attu iato, kadanNa PUANG; la dadiNa’ Kapenombanna mintu’ pa’rapuanna Israel, anna tau iato mai la dadi taungKu.

YESAYA 48:12

PerangiiNa’, e Yakub, e Israel, to Kutambai, Aku bangsiamoto, Akumo tu pamulanna, Aku dukamo tu ma’katampakanna.

2 OSSORANNA DATU 20:15

nama’kada nakua: Perangii, e mintu’ to Yehuda sia pa’tondokan Yerusalem sia kamu, datu Yosafat! Inde sia tu kadanNa PUANG lako kalemi: Da mimataku’ sia da mitiramban lako tu kaponan surodadu pada budannato, belanna tangia rarimmi to, sangadinna rarinNa Puang Matua.

KADA OMBO’ LAKO RASULU’ YOHANES 2:29

Minda-minda ketalinga la naperangii tu apa Napokada Penaa lako mintu’ kombongan.

HOSEA 5:1

Perangii te, e kamu to minaa, sia parinaai te, e to Israel, sia tananni talinga, e kamu to lan banuanna datu! Belanna iatu kamu, la narampoikomi ukungan, belanna dadikomi poya lako Mizpa, sia misa’ dalla’ tiballa’ dao Tabor.

YESAYA 46:3

PerangiiNa’, e bati’na Yakub, sia mintu’ tu taruk torronapa Israel, tu Kusompo randuk lan mai pa’tambukan sia Kuangka’ tempon lan mai inan tau.

YEREMIA 13:11

Belanna susi salipi’ manda’ lan aakna misa’ muane, susi dukato Kupamanda’mo tu mintu’ to Israel sia to Yehuda lako Kaleku, kadanNa PUANG, kumua anna tau iato mai dadi bangsa, tu Kupokalelean sia Kupomala’bi’ sia Kupobelo, apa tae’ namorai tu tau iato mai ma’perangi.

MIKHA 2:3

Iamoto, inde sia tu kadanNa PUANG, Nakua: Tonganna la Kupasae tu kasanggangan lako bangsa iate, tu tae’ minii umbelai urriu’ barokomi lan mai, ba’tu malolo lumingka lan, belanna iamo misa’ attu kadake.

ZEFANYA 2:5

Upu’ allomi, e mintu’ to dio randan tasik, iamotu bangsa Kreti! Iatu kadanNa PUANG la sae ullaoikomi, e Kanaan, tondokna to Filistin, sia la Kusanggangko, naurungan moi misa’ pa’tondokan tae’mo torro lan.

1 OSSORANNA DATU 16:13

E mintu’ tarukna Israel, taunNa, E mintu’ bati’na Yakub to Napilei langsa’.

AMOS 4:1

Tananni talinga te kada iate, e sapi Basan, tu untorroi buntu Samaria tu umpandasa to bongko sia umpakario-rio to mase-mase, tu ma’kada lako puangmi mikua: Benkanni angki mangiru’-iru’.

AMOS 5:1

Tananni talinga te kada la Kusaurangkomi, iamo misa’ bating, e bati’ to Israel: