AMOS 2:2 - Sura' Madatu

² iamoto angKu la umpasae api tama Moab, naurungan unnimbakanni tu bentengna Keriot; sia la mate tu Moab lan rukka kasirarian naturu’ arrak kasirarian sia oni tarompe’,

AMOS 2:2 Referans Kwoze

YEREMIA 48:41

Mintu’ kota ditalo sia mintu’ tambakuku diala; allo iato iatu penaanna mintu’ to lalong lan Moab susi penaanna misa’ baine mangurria’.

YEREMIA 48:24

Keriot, Bozra, sia mintu’ kota dio tana Moab, tu mambelanna sia mandappi’na.

AMOS 1:14

iamoto angKu la umpadukkui api tu lanna lu rinding tembo’na Raba, naurungan unnimbakanni tu bentengna, naturu’ arrak ke attu kasirarian, sia ongngo’ angin bara’, ke attu talimpuru’;

YEREMIA 48:34

Iatu tau dio mai Hesbon unnurruk-urruk, iamoto namelallak tau sae lako Eleale, ondong pissan rampo lako Yahas, sia dio mai Zoar sae lako Horonaim sia Eglat-Selisia; belanna moi na iatu to’ uai Nimrim mempadang lo’bangmo.

YESAYA 9:5

Belanna dipadadiammiki’ misa’ Pia, misa’ Pia muane dikamaseangki’ umpobayu bayu kapayungan, sia iatu sanganNa nasa’bu’ tau: Rangga inaa kalle-kallean tu ma’patudu, Kapenomban kuasa, Ambe’ matontongan sia Datu pasali rampa’.

YEREMIA 48:45

Bendan tu to mallai umpopentilindungan Hesbon, apa tae’ tu kamatotoranna; belanna tassu’mo tu api lan mai Hesbon sia dukku api lan mai banuanna Sihon, iamotu umpurai pili’na Moab nakande sia kararo ulunna to rombo’.

YEHEZKIEL 25:8

Inde sia tu kadanNa Puangta PUANG, Nakua: Belanna ma’kadamo tu Moab sola Seir kumua: Manassa iatu to Yehuda susi bangsia tu mai bangsa senga’,

AMOS 1:4

iamoto angKu la umpasae api tama banuanna Hazael naurungan unnimbakanni tu mintu’ bentengna Benhadad.