AMOS 1:2 - Sura' Madatu

² Inde sia tu kadanna, nakua: Iatu PUANG umburrung lan mai Sion sia umpa’perangian gamaranNa lan mai Yerusalem, naurunganni mario-rio tu padang kariuanna to mangkambi’ sia marangke tu botto Karmel.

AMOS 1:2 Referans Kwoze

YOËL 3:16

Iatu PUANG umburrung lan mai Sion sia umpa’perangian gamaranNa lan mai Yerusalem, naurunganni tigega’ tu langi’ sia lino. Apa PUANGmo tu misa’ pentilindungan lako taunNa sia misa’ kota tambakuku lako to Israel.

YEREMIA 25:30

La ma’nubua’ko umpokadanni tau iato mai te mintu’ kada iate, kumua la sumadang tu PUANG dao mai masuanggana sia la umpemandui gamaranNa dao mai isungan maindanNa; la sumadang-madang unggarrakki tu pangleonNa; la unnarrakki mintu’ tu untongkonni kuli’na padang, susi arrakna to manglullu’ bua angoro’.

AMOS 9:3

Sia iake la messu’bui dao botto Karmel, manassa Aku la umparessai sia la unnalai inde to dio mai, moi umbuni kalena dio mai pentiroKu diong salinna tasik, manassa la Kusua tu misa’ ula’ inde to dio mai untotokki.

YEREMIA 12:4

Sangapapira tang la katuoan tu padang sia malayu tu mintu’ tananan dio lu padang? Tete dio kakadakeanna mintu’ to untorroi, anna male nasang tu olo’-olo’ sia manuk-manuk, belanna nakua tau iato mai: Tae’ sia natiroi tu ma’katampakanta.

YESAYA 42:13

Iatu PUANG tassu’ susi misa’ pa’barani, Natukka’ ara’Na anNa maparrang susito parari; la unnarrak-arrak parari, metalillingan tongan; la umpa’petiroan kalalonganNa unnea ualinNa.

NAHUM 1:4

Nagarrak tu tasik sia Napamarangke sia mintu’ salu Napaba’ta’. Iatu Basan sola Karmel tang me’dukmo, sia mintu’ daun-daun dao Libanon malayumo.

YOËL 2:11

Napakapua PUANG tu gamaranNa, dio tingayona mintu’ surodadunNa, belanna lendu’ ia budanna tu surodadunNa; iatu surodadunNa mawatang umpalalo kadanNa; ondongpi iatu alloNa PUANG kapua sia tarru’ metakuran! Mindara ma’din la umpatananni?

HOSEA 13:8

La Kudammak tu tau iato mai susito beruang sisayuran anakna, Kuserekki tu barangkangna, angKu ampello’i susito singa birang, anna olo’-olo’ dio lu padang umbesse-besei.

YEREMIA 50:19

Sia la Kupasule tu to Israel lako padang kariuanna, anna purai nakande tu riu dao Karmel sia Basan sia la dipedia’i dao buntu Efraim sia lan Gilead.

YEREMIA 14:2

Iatu to Yehuda masussa nasang sia tae’mo namatoto’ tu mintu’ babanganna; iatu tau iato mai ma’pote dibolong mamma’ diong lu padang; sia iatu sarrona Yerusalem kendekmo langngan langi’.

YESAYA 35:2

La loboran sia membunga sia sikumalasi-lasian, la sikumalasi-lasian tongan sia siarrakan. Na mintu’ kamala’biranna Libanon dikamaseammi sola kameloanna Karmel sia Saron; tau iato mai la untiro kamala’biranNa PUANG sia kamaballoanNa kapenombangki.

YESAYA 33:9

Maru’gun sia talo tu padang iato; iatu Libanon masiri’ sia malayu; iatu Saron susimo padang aak na Basan sia Karmel tae’mo namendaun.

SARAMBU PEADA’ 20:2

Iatu pa’garrakna datu susito burrungna singa mangura, minda-minda untengkai, tang ungkatirinnai katuoanna.

1 SAMUEL 25:2

Denmi dio Maon misa’ tau tu den pallaoanna dio Karmel. Iatu tau iato lendu’ ia sugi’na; unnampui domba tallungsa’bu sia bembe’ sangsa’bu; marassan unggontingi bulu dombana dio Karmel.

PA’PUDIAN 46:6

Tongkon lan tangngana tu Puang Matua, tae’ nala tigega’ len tu tondok iato, iake tibangka’mi masiang la Natundui Puang Matua.

YEREMIA 28:8

Iatu mintu’ nabi dolo-dolona, tu dolo na aku sia dolo na iko ma’nubua’ diona ba’tu pira-pira tondok matoto’ sia ba’tu pira-pira kadatuan kapua, kumua la narampoi kasirarian sia kamandasan sia ropu.

HOSEA 11:10

Iatu tau iato mai la undi urrundu’ PUANG, la umburrung-burrung susi singa. Iake umburrungI, iatu mintu’ pia muane la sae dio mai rampe matampu’ sipa’parondoan.

YOËL 1:19

Lakori Kalemi, o PUANG, kunii metamba, belanna napoppongimo api tu kariuanna dio lu padang pangallaran, sia nalepa’i api tu mintu’ garonto’ kayu dio lu padang.

PA’PUDIAN 29:4

Iatu gamaranNa PUANG kapua paanna, sia iatu gamaranNa PUANG naepun kamala’biran.