AMOS 1:12 - Sura' Madatu

¹² iamoto angKu la umpasae api tama Téman, naurungan unnimbakanni tu mintu’ bentengna Bozra.

AMOS 1:12 Referans Kwoze

YEREMIA 49:20

Iamoto perangiimi tu panglampakNa PUANG, tu mangka Napamanassa la naposanggang Edom, sia tanan penaanNa, tu mangka Nara’ta’ la ullaoi tu to untorroi Téman: Manassa nariu’ pia to mangkambi’ domba tu tau iato mai, sia iatu padangna la magiang diona tau iato mai.

YEREMIA 49:7

Diona Edom. Nakua kadaNa PUANGna mintu’ ma’dandan maritik: Tae’moraka kapaissanan lan T’eman? Lanna’moraka tu pa’tangngaranna to unnampui tangnga’ kinaa sia pa’demoraka kapaissananna tu tau iato mai?

YEREMIA 49:22

Tonganna kendek sia mettia’ sae susi langkan maega sia umballa’ pani’na daona lu Bozra, sia allo iato iatu penaanna mintu’ to lalongna Edom la susi penaanna misa’ baine manguria’.

YEREMIA 49:13

Belanna mangkaMo’ umpalao sumpa tete dio Kaleku, kadanNa PUANG, kumua iatu Bozra la mendadi apa metakuran sia kaditattan sia megiangan sia tampakan ropu sia iatu mintu’ tondokna la daun lauan tontong sae lakona.

YESAYA 34:6

Naponnoi rara tu la’bo’Na PUANG, nalumu’i lompo sia rara anak domba sia bembe’ laki sia lompo bale’ke’ domba laki. Belanna dio Bozra Napogau’mo PUANG tu misa’ pemala’ sia misa’ pangreresan kapua dio Edom.

KADADIAN 36:33

Kabu’mi tu Bela anna dadi datu tu Yobab, anakna Zerah dio mai Bozra, sondana.

KADADIAN 36:11

Iatu mintu’ anakna Elifas tu muane, iamo Téman, Omar, Zefo, Gaetam na Kenas.

YESAYA 34:5

Belanna malangomo tu la’bo’Ku lan suruga; tiromi la songlo’mo rokko Edom sia la unnukung misa’ bangsa tu Kupamanassamo la disabu’i butung pepayu.

YESAYA 63:1

Mindaraka tu sae dio mai Edom, tu lu dio mai Bozra ma’pakean rarrang, tu ma’pakean ballo, lumingka maamba-amba to lalong sia mawatang? Akumorato, tu umpokada kamaloloan sia matoto’ parampanan.

YEHEZKIEL 25:13

iamoto, inde sia tu kadanNa Puangta PUANG, Nakua: La Kue’te’ tu limangKu umpata’pai Edom sia la Kusabu’i tu tau sia patuoan lan mai; sia la Kupadaun lauan randuk dio mai Téman sae lako Dedan; la tibambang tu tau iato mai nakande pa’dang.

OBAJA 1:1

Patiro mendeatanna Obaja. Inde sia tu kadanNa Puangta PUANG diona Edom – diori mai PUANG kinii urrangi kareba, iamotu misa’ pesua disua ullelei mintu’ bangsa, tu ma’kada nakua, Maikomi, take’de’ urrarii! –

HABAKUK 3:3

Saemo tu Puang Matua dio mai Téman, sia iatu To masero dao mai buntu Paran. Sela Iatu kamala’biranNa ussamboi mintu’ langi’, sia nasitutu’i kadipudianNa tu lino.

1 OSSORANNA DATU 1:44

Iatonna matemo tu Bela, nasondami Yobab, anakna Zerah, dio mai Bozra, dadi datu.