AMOS 1:11 - Sura' Madatu

¹¹ Inde sia tu kadanNa PUANG, Nakua: Belanna tallu tu kapatodo-tintinganna Edom, ondongpi belanna a’pa’, iamoto natae’ Kula undampai to. Belanna naula’imo pa’dang lao tu siulu’na sia napa’deimo tu kamamaseanna, sia tete dio kasengkeanna, anna ma’kase’bu-se’bu bang sia unnanna bang kare’dekan ara’na,

AMOS 1:11 Referans Kwoze

2 OSSORANNA DATU 28:17

Ondongpi sae duka tu to Edom untalo to Yehuda, anna male urrampai tu tau pira.

MALEAKHI 1:4

Iake ma’kadai tu Edom nakua: Mangkamokanni disanggangi, apa la kibangun sule tu inan daun lauan – manassa inde sia tu kadanNa PUANGna mintu’ ma’dandan maritik, Nakua: Moi nabangunni tu kotana, apa inang la Kusanggang; la nasangai tau tu tau iato mai: lili’ katangmekaalukan, sia: bangsa narua kasengkeanNa PUANG tontong sae lakona.

YOËL 3:19

La mempadang lo’bang tu Mesir sia la mempadang pangallaran makarorrong tu Edom, belanna pa’pakario-rio tu napogau’ lako to Yehuda, sia belanna umpatibollo rara tang sala lan tondok to Yehuda.

PA’PUDIAN 137:7

Papakkanni, o PUANG, tu bati’ Edom, diona tu allo kasangganganna Yerusalem, tu mangka ma’kada nakua: Saeranni, saeranni,

MIKHA 7:18

Mindara tu Kapenomban susi Kamu, tu umpagarri’ kakadakean sia umpaboko’i kapatodo-tintinganna mana’ torroNapa, tu tang unnanna kasengkeanNa tontong sae lakona, sangadinna umpopaiman kamasokanan!

TOMANGADA’ 7:9

Da mumadomi’ umpatiludakki tu ara’mu, belanna iatu ara’na to baga, iamo inan saki inaa.

PA’TOLE 23:7

Iatu to Edom da mukagi’gi’i, belanna iamo siulu’mu. Iatu to Mesir da mukagi’gi’i, belanna to saemoko lan tondokna.

EFESUS 5:1

Iamoto, la dadikomi to unturu’ Puang Matua, susi anak Nakaboro’i,

MALEAKHI 1:2

Kukaboro’ikomi, kadanNa PUANG. Apa ma’kadakomi mikua: Umbara Mikua umpapayanni tu pa’kaboro’Mi? Tae’raka nasiulu’na Yakub tu Esau? kadanNa PUANG. Moi nasusito, Kukaboro’i tu Yakub,

YESAYA 57:16

Belanna tae’ angKu la tontong sae lakona ullo’bo to lino sia tae’ nala tae’ upu’na tu kasengkeangKu; iake susito la ka’tu sunga’na tu to lino dio oloKu, anna Aku kalena umbenni penaa.

PA’PUDIAN 85:5

Pasulekan tama dandanki, o Puang Matua, oto’na kasalamarangki, sia pa’deimi tu kasengkeamMi lako kaleki.

ZAKHARIA 1:15

apa lendu’ ia mare’dekna ara’Ku lako tu mintu’ bangsa matampo, tu patunduan mepalulako kakadakean, moi tae’ namandu tu kasengkeangKu.

2 OSSORANNA DATU 20:10

Totemo tiromi iatu to Amon, to Moab sia to dao lu buntu Seir, tu tang Mieloran to Israel ullaoi, tonna tassu’ lan mai tondok Mesir, – belanna sepang dio mai tau iato mai sia tae’ nasanggangi –,

2 OSSORANNA DATU 20:11

totemo tiromi, napabala’imokan kadake, belanna saemo la urrambaikanni dio mai apamMi tu Mibenkanni kipomana’.

HOSEA 8:3

Untibemo maelona tu to Israel; iamoto anna ula’i uali.