AMOS 1:10 - Sura' Madatu

¹⁰ iamoto angKu la umpasae api tama rinding tembo’na Tirus, naurungan unnimbakanni tu mintu’ bentengna.

AMOS 1:10 Referans Kwoze

ZAKHARIA 9:4

Manassa, la Natalo Puang sia la Natuan tu rinding tembo’ bentengna tama tasik, sia iatu kota la pura diballa api.

AMOS 1:7

iamoto angKu la umpasae api tama rinding tembo’na Gaza, naurungan unnimbakanni tu mintu’ bentengna.

AMOS 1:4

iamoto angKu la umpasae api tama banuanna Hazael naurungan unnimbakanni tu mintu’ bentengna Benhadad.

YEHEZKIEL 26:12

La narampa nasang tu apa-apammu sia nalo’do’i nasang tu mai balukammu sia narondonni tu rinding tembo’mu, nakakei tu mai banua rapa’mu sia batummu, lentongmu sia batu manisakmu la nabuang rokko to’ uai.

YEREMIA 47:4

ke saemi tu allo kadisangganganna mintu’ to Filistin sia iake disabu’i tu mintu’ to la untundui Tirus sola Sidon, tu torronapa; belanna PUANG la umpisanni tu to Filistin, iamotu to torropa dio lebukan Kaftor.

YEHEZKIEL 26:4

Iatu tau iato mai la ussanggang rinding tembo’na Tirus sia la natuan tu mintu’ menarana; moi iatu batu manissakna la Kusapui duka lan mai sia la Kupadadi misa’ buntu batu karing.

YEHEZKIEL 28:18

Belanna kabudanna kakadakeammu, sia kakelokammu ma’balili, ammu ruttakki tu inan maindanmu. Iamoto Kupadukkui tu api lan tangngamu anna pura ungkandeko! Kupopendadiko au diong padang dio pentirona mintu’ to untiroko.

YOËL 3:4

Sia la siapariKi’, e Tirus sia Sidon sia mintu’ tondok lan lili’na tondok Filistin? La ma’papakkannirokomika lako Kaleku? Apa iake denni la mipapakkanni lako Kaleku, madoi’-doi’ duka la Kupasule tu pa’pakkan langngan ulummi.