2 SAMUEL 5:3 - Sura' Madatu

³ Susi dukato tu mintu’ pekaamberan to Israel sae mennolo lako datu dio Hebron, anna sibasse datu Daud tu tau iato mai dio Hebron dio oloNa PUANG; mangkato natokkomi tu Daud dadi datunna to Israel.

2 SAMUEL 5:3 Referans Kwoze

2 SAMUEL 2:4

Saemi tu to Yehuda anna tokkoi tu Daud dio la dadi datunna suku Yehuda. Napokadammi tau Daud kumua: To Yabesh dio Gilead tu ullamun Saul.

1 SAMUEL 23:18

Sibassemi sola duai dio oloNa PUANG anna torro tu Daud lan Koresa, nasule tu Yonatan lako banuanna.

1 SAMUEL 16:13

Naalami Samuel tu tanduk nanii minna’, anna bolloi lan tangngana mintu’ siulu’na. Natamaimi PenaanNa PUANG tu Daud randuk allo iato anNa tontong dio kalena. Mangkato ke’de’mi tu Samuel anna sule lako Rama.

2 DATU 11:17

Natananmi Yoyada tu basse lan alla’Na PUANGna datu sia to buda, kumua na iatu to buda dadi misa’ taunNa PUANG sia lan duka alla’na datu na to buda.

2 SAMUEL 3:21

Ma’kadami Abner lako Daud, nakua: Totemo la malemo’ urrampunni tu mintu’ to Israel lako puangku datu, anna sibasse puangku tu mintu’ tau iato mai sia ammi parentai tu mintu’ apa nakalo’ penaammi. Mangkato messimanmi tu Abner lako Daud, anna male marampa’.

TO PARENGNGE’ 11:11

Attu iato malemi tu Yefta sola mintu’ pekaamberanna Gilead, anna angka’i to buda pangulunna sia kamandang lompona sia nasa’bu’ Yefta tu mintu’ kadanna dio oloNa PUANG dio Mizpa.

NEHEMIA 9:38

Bannang diomote mintu’nate untananmoki’ basse tang leluk anta patamai sura’, anna ca’i pangulunta sia to Lewinta sia to minaanta.

2 OSSORANNA DATU 23:16

Natananmi Yoyada tu misa’ basse lan alla’na, iamotu kalena na mintu’ to buda sola datu, kumua na iatu tau iato mai la dadi misa’ taunNa PUANG.

1 OSSORANNA DATU 11:3

Iamoto nasae tu mintu’ pekaamberan to Israel mennolo lako datu dio Hebron, anna sibasse Daud dio oloNa PUANG dio Hebron; mangkato natokkomi tu Daud dadi datunna to Israel, susi kadanNa PUANG tu nalopian Samuel.

1 SAMUEL 11:15

Male nasangmi tu bangsa iato lako Gilgal unnangka’ Saul dadi datu dio oloNa PUANG dio Gilgal sia napemalaran inde to tu pemala’ kasalamaran dio oloNa PUANG; parannu-rannumi tu Saul inde to dio sola mintu’ to Israel lendu’ marua’na.

KATASSURAN 3:16

Malemoko ammu rampunni tu mintu’ to matua-tuanna Israel, sia ma’kada lako tau iato mai, kumua: Iatu PUANG, Kapenombanna nene’ to dolomi iamotu Kapenombanna Abraham, Ishak na Yakub paan lako kaleku sia Nakua: Kutiro tonganmokomi sia iatu mintu’ apa digaurangkomi dio tondok Mesir.

YOSUA 10:36

Mangkato ke’de’mi tu Yosua sia mintu’ to Israel nasolan, dio mai Eglon lako Hebron, anna rarii.

1 DATU 1:34

Anna to minaa Zadok sia nabi Natan untokkoi minna’ inde to dio, anna dadi datunna to Israel; ammi mane umpannoni napiri tanduk sia metamba kumua: Namaupa’mora tu datu Salomo!

1 OSSORANNA DATU 11:1

Sae nasangmi tu mintu’ to Israel mennolo lako Daud dio Hebron, anna ma’kada nakua: kami te sola nasang manassa sangrara sangbukuki’.

2 SAMUEL 2:7

Totemo pamatoto’komi kalemi sia pa’pekitananni tu kapiamuaneammi, moi anna matemo tu Saul, puangmi; ondongpi mangkamo’ natokko rapu Yehuda la undatui.

1 OSSORANNA DATU 28:4

Moi nasusito, Natonno’ dukana’ PUANG, Kapenombanna to Israel, dio mai mintu’ rapungku la tontong undatui to Israel; belanna Natonno’ tu Yehuda dadi misa’ arung, na lan mai suku Yehuda iamo rapungku, na dio mai mintu’ anakna ambe’ku aku tu Napopaiman, Naurunganni unnangka’na’ datu undatui mintu’ to Israel.