2 SAMUEL 4:4 - Sura' Madatu

⁴ Iatu Yonatan, anakna Saul, den anakna misa’ pia muane, kupi’ dua tu lentekna. Limangtaunmo dadinna tonna sae kareba dio mai Yizreel tu diona Saul sia Yonatan; naangka’mi to mantaranakna anna mallai, apa belanna sasa-sasa mallai, tobangmi anna keppa. Disanga Mefiboset.

2 SAMUEL 4:4 Referans Kwoze

2 SAMUEL 9:3

Nakuami datu: Denparaka torro tu bati’na Saul, angku pogau’ kamaturu-turuanNa Kapenomban lako kalena? Ma’kadami tu Ziba lako datu, nakua: Denpa misa’ muane, anakna Yonatan, tu kupi’ patomali.

1 OSSORANNA DATU 9:40

Iatu anakna muane Yonatan iamotu Meribaal, na Meribaal undadian Mikha.

1 OSSORANNA DATU 8:34

Iatu anakna muane Yonatan iamotu Meribaal, na Meribaal undadian Mikha.

2 SAMUEL 9:6

Saemi tu Mefiboset, anakna Yonatan, anakna Saul mennolo lako Daud, sia tukku rokko padang anna menomba. Nakuami Daud: E Mefiboset. Mebalimi nakua: Io, Puang.

1 SAMUEL 29:11

Mela’bikmi tu Daud millik sola mintu’ taunna la male ke masiangmi, anna sule lako tondok to Filistin. Apa mintu’ to Filistin malemo lako Yizreel.

1 SAMUEL 29:1

Napasirampunmi to Filistin tu mintu’ surodadunna dio Afek na iatu to Israel ma’tenda sikandappi’ tu kalimbuang dio Yizreel.

2 SAMUEL 21:7

Apa tang namasean penaa datu tu Mefiboset, anakna Yonatan, anakna Saul, belanna mangkamo umposumpa PUANG, tu unnarra’i sola duai iamotu Daud na Yonatan, anakna Saul.

2 SAMUEL 9:13

Susito torromi tu Mefiboset dio Yerusalem, belanna tontong kumande sola datu. Iatu lette’na kupi’ patomali.

1 DATU 11:17

Apa mallai tu Hadad sia ba’tu pira-pira to Edom, to mase’ponna ambe’na, nasolan la umpallaian kalena lako Mesir; na attu iato mangura tonganpa tu Hadad.