2 SAMUEL 3:3 - Sura' Madatu

³ Iatu ma’penduanna disanga Kileab, nadadian Abigail, pura bainena Nabal, to Karmel, na iatu ma’pentallunna disanga Absalom, nadadian Maakha, anakna Talmai, datu Gesur;

2 SAMUEL 3:3 Referans Kwoze

1 SAMUEL 27:8

Ke’de’mi tu Daud sola mintu’ taunna ullaoi tu to Gesur sia to Girzi sia to Amalek; belanna tau iato mai umpa’tondokki tondok ma’palusau’ Syur sae lako Mesir pirambongi’.

1 OSSORANNA DATU 3:1

Inde sia tu anakna muane Daud, tu dipadadianni dio Hebron; iatu pa’bunga’na iamotu Amnon, nadadian Ahinoam, to Yizreel; ma’penduanna: Daniel, nadadian Abigail, to Karmel;

2 SAMUEL 2:2

Mangkato ke’de’mi tu Daud lako sola tu bainena da’dua, iamotu Ahinoam, to Yizreel sia Abigail, tu pura bainena Nabal, to Karmel.

1 SAMUEL 25:42

Tikarami tu Abigail ke’de’ dio mai ma’keledai sibaa to ma’kamayana lima, unturu’i tu pesuanna Daud; anna dadi bainena Daud.

1 SAMUEL 25:3

Iatu tau iato disanga Nabal, na iatu bainena disanga Abigail. Iatu baine iato ma’tangnga’ kinaa sia melo pantarisanna, apa iatu muanena makarra’ penaanna sia kadake kedona; sia ia misa’ to Kaleb.

YOSUA 13:13

Apa tae’ naula’i to Israel tu to Gesur sia iatu to Maakha naurungan iatu to Gesur sia to Maakha torromo ma’tondok dio lu to Israel sae lako allo iate.

PA’TOLE 3:14

Iatu Yair bati’na Manasye, unnala mintu’ lili’na Argob sae lako lili’na to Gesur sia to Maakha, nasangai tu iannate, iamotu Basan, napasikona sanganna, iamotu kampongna Hawot-Yair, sae lako allo iate.

2 SAMUEL 18:33

Mandu bonnongmi penaanna tu datu, nakendek langngan bilik daona lu anna tumangi’. Iatonna marasan lumingka ma’kadami nakua: O anakku Absalom, anakku, anakku Absalom! Kenna akuora mate ussondako, Absalom, anakku, anakku!

2 SAMUEL 14:24

Apa nakua datu: Da’ito nalu lako banuanna, da napessitiroina’! Lu lakomi banuanna tu Absalom, tae’ nasitiro datu.

2 SAMUEL 13:1

Mangkato dadimi tu iannate; iatu Absalom, anakna Daud, den adinna misa’ baine, me’lok pantarisanna, disanga Tamar; nakamoraimi Amnon, anakna muane Daud.

2 SAMUEL 14:32

Mebalimi Absalom lako Yoab, nakua: Kupopetambaikomi la kusua male mennolo lako datu sia la ma’kada lako datu susite, kumua: Apara gai’ku sule dio mai Gesur? La’bi’ kengku dio bangora. Morai tonganmo’ totemo la untiro lindona puangku. Na iake denpi sala dio kaleku, melo ke napateina’ puangku.

2 SAMUEL 15:7

Iatonna upu’mo patangtaun, ma’kadami Absalom lako datu, nakua: La naeloranna’ puangku male lako Hebron, belanna la umpalesso’na’ pangallonangku lako PUANG.

2 SAMUEL 15:8

Belanna dolona tongki torropa dio Gesur lan tondok Aram, mangallonanna’, kukua: Iake Napasule siana’ PUANG lako Yerusalem, manassa la mengkaolana’ lako PUANG.

1 DATU 1:6

Tae’ bangpa naada’i ambe’na angge tuona, kumua: Ma’apari ammu ma’gau’ susirato? Sia pissanmito lendu’ ia melona tu pati’na, sia ia undampi’ Absalom.

1 DATU 2:15

Nakuami: Miissan duka, kumua iatu kadatuan inang taaku sia pada nasangamo tu mintu’ to Israel kumua akumo la datu, anna membali kataananna adingku, belanna PUANGmo umpapatui.

1 OSSORANNA DATU 3:2

ma’pentallunna Absalom, anakna muane Maakha, anakna baine Talmai, datu Gesur, ma’penna’pa’na Adonia, anakna muane Hagit,

2 SAMUEL 14:23

Ke’de’mi tu Yoab, namale lako Gesur, nasolanni tu Absalom lako Yerusalem.