2 DATU 7:8 - Sura' Madatu

⁸ Iatonna rampomo tu to golenan lako tampak to’ inan surodadu iato, tamami misa’ tenda anna kumande sia mangiru’ lan, anna alai lan mai tu salaka sia bulaan sia tamangkale, anna male umbunii. Mangkato sulemi tu tau iato, anna tama misa’ tenda senga’; inde to nanii unnala apa, namale umbunnii.

2 DATU 7:8 Referans Kwoze

MATIUS 13:44

Iatu Parenta Suruga butung ianan kapua angga’na membuni diong padang, nakabu’tui tau, nabuni pole’oi; belanna kaparannuanna, malemi umbalukan nasangi tu mintu’ apa dio kalena, anna allii tu padang iato.

YOSUA 7:21

Belanna kutiro lan to apa dirampa sanglamba’ bayu lamba’ Sinear, lendu’ melona, sia dua ratu’ sikele’ salaka sia sanglongki’ bulaan, tu limangpulo sikele’ magasanna, kukamoraimi, angku alai. Mintu’na to kubuni diong padang lan tangnga-tangnga tendaku sia iatu salakana diongna lu.

MATIUS 25:18

Apa iatu to diben misa’ talenta, male umbo’bok patuang, nabunii tu doi’na puangna.

YEREMIA 41:8

Apa dio lu tau iato mai den sangpulo tu tau ma’kada lako Ismael, nakua: Da mipateikan, belanna dio kaleki den ba’tu pira-pira pangnanna dibuni dio lu padang, iamotu gandung sia dalle sisikan sia minna’ sia tani’ enoan. Iamoto napopa’elo’nai tu tau iato mai, tae’ napatei sola mintu’ solana.

2 DATU 5:24

Iatonna rampomo tu Gehazi lako tanete iato, naalami tu kandu’ dio mai tu kaunan sola duai, nanannai lan banuanna, nasuai male tu tau sola duai. Malemi tu tau iato.

2 DATU 7:9

Attu iato sipa’kadami nakua: iate penggauranta tae’ namelo. Allo iamote tu allo kareba melo, anta kappa bang. Ianta peagi masiang, manassa naruaki’ ukungan. Iamoto, maimokomi, anta lao umparampoi te kareba tama tongkonan layukna datu.

YESAYA 33:23

Mintu’ ulangmu tikkondo’mo, tae’mo napabantangi tu lentongna sia tae’mo naballa’i tu somba’na. Attu iato untaa-taa pangrampa sebo, moi to kupi’ urrampun duka pangrampa.