2 DATU 4:2 - Sura' Madatu

² Nakuami tu Elisa lako: Apara tu ma’din la kupogaurangko? Pokadanna’ apara lan banuammu. Mebalimi nakua: Tae’ bangmo apa-apa lan banuanna taummi sangadi misa’ tonde nanii minna’.

2 DATU 4:2 Referans Kwoze

1 DATU 17:12

Mebalimi nakua: La lelukraka tuoNa PUANG, Kapenombammi, moi misa’ pa’ranggina tae’mo torro, sangadinna ta’pung manna sangsomba lan kurin sia minna’ sidi’ lan tonde. Urrurukmo’ kayu inde sidi’; la malemo’ lako banua umposarasan kaleku sola anakku muane; iake purami kikande to, la matemokan.

YAKOBUS 2:5

Perangii, e sangsiuluran pa’kaboro’ku, tang Napileiraka Puang Matua tu to bongko lan te lino mendadi sugi’ kapatonganan sia umpomana’ Parenta tu mangka dialluran mintu’ to ungkamaseI?

2 DATU 2:9

Iatonna rampomo sola duai lian, ma’kadami tu Elia lako Elisa, nakua: Palakumi tu apa ma’din kupogaurangko kumane diangka’ dio mai kalemu. Mebalimi tu Elisa nakua: Ke ma’dinni na iatu penaammi duang taan untorroina’.

2 KORINTUS 6:10

butung to masussa, apa tontong parannu; susito kalala’, apa umpasugi’ buda tau; susito tang unnampui misa’ apa, apa unnampui mintu’na.

PENGGAURANNA RASULU’ 3:6

Nakuami Petrus: Iatu bulaan sia salaka tae’ dio kaleku, apa iatu denna dio kaleku la kubenko: tete dio sanganNa Yesu Kristus, to Nazaret, ma’lingkako!

MATIUS 15:34

Nakuami Yesu lako: Pirara roti iti’? Nakuami: Pitu na bale’-bale’ sidi’.

2 DATU 4:3

Ma’kadami tu Elisa lako nakua: Maleko lako salian, ammu palaku busso lako mintu’ sangbanuammu, iamotu busso lo’bang; pebudai mupalaku.

KATASSURAN 4:2

Ma’kadami tu PUANG lako, Nakua: Apara te lan limammu? Mebalimi nakua: Tekken.