2 DATU 22:2 - Sura' Madatu

² Napogau’mi tu apa malolo dio pentiroNa PUANG sia unturu’ bate lalanna Daud, nene’ to dolona sia tae’ nasepang lako kanan ba’tu lako kairi.

2 DATU 22:2 Referans Kwoze

YOSUA 1:7

Samari la batta’ tonganko sia lalongko, ammu turu’ tongan-tonganni tu mintu’ sukaran aluk iate, tu napasan Musa, taungKu, lako kalemu; da musepang dio mai, lako kairi ba’tu kanan, ammu maupa’ umba-umba muola.

PA’TOLE 5:32

La mikaritutui tongan, susitu mangka Napepasanan PUANG, Kapenombammi, lako kalemi; da misepang kanan ba’tu kairi.

2 DATU 18:3

Napogau’mi tu apa malolo dio pentiroNa PUANG, susitu mintu’ napogau’ Daud, nene’ to dolona.

1 DATU 3:6

Mebalimi tu Salomo nakua: Mipakitanmo taumMi Daud, ambe’ku, tu kamasokanan kapua, susitu kalolanganna dio oloMi situang kamarurusan sia kamalamburan sia lantuk penaa lako KaleMi; na iatu kamasokanan kapuaMi Mipatontong dio kalena, Miurunganni ungkamaseanni misa’ anak, tu unnisung dao kapayunganna susite allo iate.

SARAMBU PEADA’ 20:11

Moi anna pia muanepa, apa penggauranna umpamanassai, kumua masero sia maloloraka tu kedona.

SARAMBU PEADA’ 4:27

Da musepang lako kanan ba’tu lako kairi, patoyangi tu lette’mu dio mai kadakena.

2 OSSORANNA DATU 29:2

Napogau’mi tu apa malolo dio pentiroNa PUANG, susitu mintu’ napogau’ Daud, nene’ to dolona.

2 DATU 16:2

Iatu Ahas duangpulomo taunna, tonna dadi datu; ma’parentami sangpulo annan taunna dio Yerusalem. Tae’ napogau’ apa malolo dio pentiroNa PUANG, Kapenombanna, susi Daud, nene’ to dolona.

1 DATU 11:38

Iake muperangii tu mintu’ apa Kupasan lako kalemu sia lolangko unturu’ lalanKu, sia umpogau’i tu apa malolo dio pentiroKu, iamotu ungkaritutui apa Kupondok sia apa Kupasan, susi tu napogau’ Daud, taungKu, manassa la Kurondongko sia la Kubangunangko misa’ tongkonan matontongan, susitu mangka Kubangunan Daud, sia la Kukamaseangko tu to Israel.

2 OSSORANNA DATU 17:3

Narondong PUANG tu Yosafat, belanna unturu’ bang mintu’ bate lalan dolona Daud, nene’ to dolona; sia tae’ nadaka’i tu mintu’ Baal,

1 DATU 15:5

Belanna napogau’mo Daud tu apa malolo dio pentiroNa PUANG sia tae’ anna sepang dio mai mintu’ apa Napasananni angge tuona, sangadinna ia manna tu penggauranna lako Uria to Het.

2 OSSORANNA DATU 31:20

Susimo penggauranna Hizkia to lan lu mintu’ Yehuda. Napogau’ tu apa melo sia malambu’ sia maruru’ dio oloNa PUANG, Kapenombanna.

2 OSSORANNA DATU 34:1

Iatu Yosia karuamo taunna tonna dadi datu, anna ma’parenta tallungpulo mmisa taunna dio Yerusalem.

ZEFANYA 1:1

Inde sia tu kadanNa PUANG, tu sae lako Zefanya, anakna Kusyi anakna Gedalya, anakna Amarya, anakna Hizkia, tonna linona Yosia, anakna Amon, datu Yehuda.

1 DATU 15:11

Iatu Asa umpogau’ apa malolo dio pentiroNa PUANG, susi Daud nene’na.

2 DATU 12:3

Ia mannamo tu inan madao dinii memala’ tae’ nadiratoi; na iatu to buda tontong siapa mantunu sia memala’ dao inan madao iato.

2 DATU 14:3

Napogau’mi tu apa malolo dio pentiroNa PUANG, apa tae’ nasusi penggauranna Daud, nene’ to dolona, sangadinna mintu’na tu penggauranna susi penggauranna Yoas, ambe’na.