2 DATU 2:9 - Sura' Madatu

⁹ Iatonna rampomo sola duai lian, ma’kadami tu Elia lako Elisa, nakua: Palakumi tu apa ma’din kupogaurangko kumane diangka’ dio mai kalemu. Mebalimi tu Elisa nakua: Ke ma’dinni na iatu penaammi duang taan untorroina’.

2 DATU 2:9 Referans Kwoze

KADIBILANGAN 11:17

La songlo’Na’ sia la sipa’kadaki’ inde to dio, angKu alai pira tu Penaa ta’pa dio kalemu, angKu patorroi dao tau iato mai, kumua ammi tanggungi sola tu tanggunganna bangsa iate, da naiko manna misa-misa untanggungi.

PA’TOLE 21:17

Sangadinna iatu anak pa’bunga’, tu anakna muane baine tang dipakaboro’, sipatu naaku tu katongananna, ke dibenni tu taana manglokkon tu mintu’ apanna, belanna iamo bunga’na kamatotoranna, anna ia puangna katonganan anak pa’bunga’.

YOHANES 16:7

Apa iate Aku te tonganna tu Kupokadangkomi kumua: Den gai’na lako kalemi, ke maleNa’; belanna iake tae’i Kumale, tae’ nasae lako kalemi tu Panglalan; apa iake maleNa’ la Kusua sae lako kalemi.

PENGGAURANNA RASULU’ 8:17

Attu iato naremme’i limanna rasulu’ sola duai tu tau iato mai, anna tarima Penaa Masallo’.

ZAKHARIA 12:8

Allo iato PUANG la urrerungi tu mintu’ to lan Yerusalem, naminda-minda tu titodo dio lu tau iato mai allo iato la susi Daud, na iatu bati’na Daud la susi Puang Matua, sia la sangtinti Malaeka’na PUANG dio tingayona tau iato mai.

KADIBILANGAN 11:25

Songlo’mi tu PUANG lan gaun, anNa ma’kada lako Musa sia Naala PUANG tu Penaa pira ta’pa dio Musa, anNa patorroi dao tu tau pitungpulo iamotu pekaamberan. IatonNa torromo dao tu Penaa, ma’nubua’mi tu tau iato, apa undinna to tae’mo.

1 TIMOTIUS 5:17

Iatu mai penatua-penatua manglopian melo, sipato’ dikasiri’ manglokkon penduan, ontong pole’ tu to umposara’ kadanNa Puang Matua sia ma’pangada’.

1 KORINTUS 12:31

Pengkaolai tonganni tu ma’kalolokanna pa’kamase. Angku pakitangkomi lalan ma’iringanna tongan.

PENGGAURANNA RASULU’ 1:8

Apa la untarimakomi kamatotoran to ke saeI unta’paikomi tu Penaa Masallo’, na kamu ungkatottongiNa’, la dio Yerusalem, la dio mintu’ tana Yudea ba’tu dio Samaria sae lako randanna langi’.

ZAKHARIA 9:12

La sulekomi tama kota benteng, e to ditarungku, tu den siapa rannunna; allo ia duka te Kupa’peissananni, kumua la Kupakkanniko melo manglokkon penduan.

PA’PUDIAN 72:20

Sudunmo langngan lolokna tu pangandona Daud, anakna Isai.

1 DATU 3:9

Iamoto, benni te taumMi tu kamatarrusan la umpaolai salu te bangsaMi, anna ma’din umpasisengaranni tu melo anna kadake, belanna mindara la umbelai umpaolai salu te bangsa budamMi?

PA’TOLE 34:9

Iatu Yosua, anakna Nun, nakabu’mo penaa kakinaan, belanna mangkamo naremme’i Musa. Iamoto naperangii to Israel tu kadanna sia napogau’ susitu mangka Napepasanan PUANG lako Musa.

PA’PUDIAN 72:1

Pa’pudianna Salomo. O Puang Matua ada’i katonganamMi tu datu, sia ada’i kamaloloamMi tu taruk bulaanna to kabarre-alloan.

1 DATU 19:16

Sia la mutokko tu Yehu, anakna Nimsi dadi datunna to Israel, na iatu Elisa, anakna Safat dio mai Abel-Mehola, la mutokko dadi nabi ussondako.