2 DATU 2:8 - Sura' Madatu

⁸ Naalami Elia tu bayu lamba’na, anna lulunni, nasambakki tu uai, anna tipa’dua lu rekke sia lu sau’, anna lamban sola duai dao to’ karangkeanna.

2 DATU 2:8 Referans Kwoze

1 DATU 19:19

Ke’de’mi tu Elia dio mai, anna appa’i tu Elisa, anakna Safat, marassan umpa’tengkoan sapi sangpulo dua ayokana naturu’i dio to’ ma’pessangpulo duanna. Iatonna lendu’imi Elia, nabuanganmi bayu lamba’na.

2 DATU 2:14

Naalami tu bayu lamba’na Elia, tu rondon dio mai kalena, anna sambakki tu uai sia metamba nakua: Umbara tu PUANG, Kapenombanna Elia, manassa iamo Ia? Nasambakkimi tu uai anna tipa’dua lu rekke sia lu sau’, anna ma’din ullambanni Elisa lian.

IBRANI 11:29

Bannang dio dukamora kapatonganan anna lambanni tau iato mai tu tasik Kolsum, butung to unnola karangkean; na iatu to Mesir nasandak umparundu’i susito, nasabu’.

YESAYA 11:15

La Nagatai PUANG tu tasik mengkokona Mesir sia la Naaak lima tu Salu iato anna marangke napobua’ anginNa, sia la Napopempitu tu salu iato, sia Napalingkai tau ma’sepatu.

1 DATU 19:13

Iatonna rangimi Elia, tu iannato, nabungku’mi bayu lamba’na tu lindona, tassu’mi anna bendan dio ba’ba lo’ko’. Pakalan saemi tu gamara nakua: Ma’aparoko indete, Elia?

KADA OMBO’ LAKO RASULU’ YOHANES 16:12

Na iatu malaeka’ ma’pennannanna umbolloan gori-gorinna rokko salu kapua, iamotu salu Efrat, anna marangke, dikua anna tibungka’ tu lalan naola mintu’ datu dio mai matallo.

IBRANI 11:37

Sia ditumbui batu, sia digare’ge’, sia diroso, sia mate dipongko pa’dang, sia salamba-salao ma’tamangkale balulang domba sia balulang bembe’, nakapu’duran sia dipakario-rio sia dipakitai pa’di’.

KATASSURAN 14:29

Apa iatu mintu’ to Israel unnola karangkean lan tangnga tasik, na iatu uainna butung rinding tembo’ umpetangngai dio kananna sia dio kairinna.

1 SAMUEL 28:14

Nakuami lako: Matumbai rupanna? Mebalimi tu baine iato: Iatu to kendek diong mai, misa’ to matua muane umpennammu’ paramba’. Iatonna issanmi Saul kumua iamo Samuel to, tukkumi sae rokko padang anna menomba.