2 DATU 16:3 - Sura' Madatu

³ Sangadinna unturu’ bate lalanna mintu’ datu to Israel. Sia api napamaindananni tu anakna susi penggauran megallianna mintu’ bangsa tu Naula’i PUANG dio mai tingayona to Israel.

2 DATU 16:3 Referans Kwoze

PA’TOLE 12:31

Da mupenombai susito tu PUANG, Kapenombammu; belanna mintu’ apa Nakagalli PUANG sia iatu apa Nakabiri’, iamoto tu napogau’ lako deatanna; moi anna anakna muane sia anakna baine natunu duka anna pennoloanni lako deatanna.

SURA’ KATOMINAAN 18:21

Da musorongi moi misa’ tu anakmu la dipennoloan lako Molokh, anna da mupamatunai tu sanganNa Kapenombammu: Akumo tu PUANG.

2 DATU 21:2

Napogau’mi tu apa kadake dio pentiroNa PUANG, susitu penggauran megallianna mintu’ bangsa tu Naula’i PUANG dio mai tingayona to Israel.

2 DATU 21:11

Belanna napogau’mo Manasye, datu Yehuda, te penggauran megallian iate, napogau’ tu apa mandu kadake na iatu mintu’ apa napogau’ to Amori tu dolo na ia; sia nasuapa tu to Yehuda umpogau’ kasalan diona kaumpenombaianna deatanna.

2 DATU 17:17

Sia api napamaindananni tu anakna muane sia iatu anakna baine sia pakita-kita sia ma’biangi sia nabalukan tu kalena umpogau’ apa kadake dio pentiroNa PUANG, tu umpa’dikki penaanNa.

YEHEZKIEL 20:31

Ondongpi belanna mibaa tu pemala’mi, iamotu anakmi mipamaindanni api, miruttakki tu kalemi napobua’ mintu’ rapang-rapang dipodeatammi sae lako allo iate; la Kueloranrokomika umpalaku pa’timbangangKu, e to Israel? La lelukraka tuoKu, kadanNa Puangta PUANG, tae’ Kuelorangkomi umpalaku pa’timbangangKu.

YEHEZKIEL 20:26

Sia Kuparuttakki pemala’na tu tau iato mai – belanna mintu’ anak pa’bunga’na napamaindanni api – la umpapussak penaanna tau iato mai, anna tandai’ kumua Akumo tu PUANG.

YEHEZKIEL 16:47

Apa tae’ ammu turu’ mannai tu bate lalanna sia tae’ muturu’ mannai tu penggauran megallianna, sangadinna tae’ namasai ammu mandumo kadake lan mintu’ penggaurammu.

YEHEZKIEL 16:21

ammu rere’ dukai tu mai anakKu muane sia muben rapang-rapang dipodeata iato la ditunuanni.

YEREMIA 32:35

Sia mangkamo napabendan tu inan madaona Baal, tu diong lombok Ben-Hinom, la nanii umpemalaran anakna muane sia anakna baine lako Molokh, iamotu apa inang tae’ len Kupepasananni sia inang tae’ len bu’tu lan penaangKu, kumua la napogau’ tau iato mai tu apa megallian iate sia la nanaran tu to Yehuda umpogau’ kasalan.

PA’PUDIAN 106:35

Sangadinna umpasirau ta’nak to kapere’ kalena, anna peolai tu mintu’ penggauranna.

2 OSSORANNA DATU 33:6

Ondong pissanpi api napamaindananni tu mai anakna muane diong lombok Ben-Hinom, sia umpalalo ma’biangi sia kapakita-kitan sia balik mata, sia napaden tu to sola bombo sia to sola deata. Sia buda napogau’ tu apa kadake dio pentiroNa PUANG, tu umpa’dikki penaanNa.

2 OSSORANNA DATU 33:2

Napogau’mi tu apa kadake dio pentiroNa PUANG, susitu penggauran megallianna mintu’ bangsa tu Naula’i PUANG dio mai tingayona to Israel.

2 OSSORANNA DATU 22:3

Unturu’ duka bate lalanna bati’na Ahab belanna indo’na tu dadi to ma’pana’ta’na la umpogau’ penggauran kadake.

2 DATU 23:10

Sia naruttakki tu Tofet diong lombok Ben-Hinom, kumua anna moi misa’ tau tae’mo api napamaindananni tu anakna muane ba’tu anakna baine la napemalaran lako Molokh.

2 DATU 21:6

Ondong pissanpi api napamaindananni tu anakna muane, sia umpalalo balik mata sia kapakita-kitan sia napaden tu to untambai bombo to mate sia deata masussuk. Sia buda napogau’ tu apa kadake dio pentiroNa PUANG, tu umpa’dikki penaanNa.

2 DATU 8:18

Unturu’mi bate lalanna mintu’ datu Israel, susi penggauranna to lan tongkonan layukna Ahab, belanna umpobaine anakna Ahab; napogau’i tu apa kadake dio pentiroNa PUANG.

1 DATU 14:24

Sia den duka lan lu tondok tu to ma’gau’ sala dio to’ dipa’deatainna. Sia napogau’ tau iato mai tu apa megallianna mintu’ bangsa tu mangka Naula’i PUANG dio mai tingayona to Israel.

PA’TOLE 18:10

Da naden misa’ tau dio lu kamu diapparan tu umpatama to’ api tu mai anakna muane ba’tu anakna baine tu umpogau’ kapakita-kitan, to ma’biangi, to umbattuananni tanda, ba’tu to unnampui balik mata,

SURA’ KATOMINAAN 20:2

Pokadapi lako mintu’ to Israel mukua: Minda-minda tu mintu’ to Israel sia mintu’ to sae dio lu to Israel, tu umpa’bengan misa’ anakna lako Molokh, manassa la dipatei; iatu mintu’ tau lan tondok ussileba’i batu.

2 DATU 17:8

sia unturu’ atoranna mintu’ bangsa tu Naula’i PUANG dio mai tingayona to Israel sia mintu’ apa napondok tu mai datu to Israel.

2 DATU 17:19

Ia duka tu mai to Yehuda tae’ nakaritutui tu pepasanNa PUANG, Kapenombanna, sangadinna unturu’ mintu’ aluk napoaluk to Israel.

MIKHA 6:7

Umbani’ apa nala ungkalo’i penaanNa PUANG tu domba laki ma’sa’bu-sa’bu, ba’tu ma’lampa-lampa tu salu minna’? Ma’dinraka la kupemalaran tu anak pa’bunga’ku belanna kapatodo-tintinganku, ba’tu anak sun di kaleku belanna kasalanna deatangku?

2 DATU 17:16

Naboko’i tu mintu’ pepasanNa PUANG, Kapenombanna, anna garaganni kalena tu rapang-rapang dipodeata dipati’no’, iamotu da’dua anak sapi; nagaragai duka tu ba’tu pira-pira lentong dipodeata, sia tukku umpenombai tu mintu’ ma’dandan maritik dao langi’ sia Baal.

2 DATU 21:9

Apa tae’ naperangii tau iato mai, belanna napapusa Manasye, naurunganni umpogau’i tu apa mandu kadake na penggauranna mintu’ bangsa, tu Nasabu’i PUANG dio tingayona to Israel.

YESAYA 57:5

E kamu, to umpasau kamoraiammi dio to’ garonto’ kayu tarpin sia diong lu mintu’ garonto’ kayu maluna; sia kamu tu urrere’ anakmi diong lu mintu’ lombok sia lan lu mintu’ sapak buntu batu.