2 DATU 11:2 - Sura' Madatu

² Apa iatu Yoseba, anakna baine datu Yoram, anak daranna Ahazia, male unnalai tu Yoas, anakna muane Ahazia, nabaa bunii sola to mantaranakna dio mai mintu’ anakna muane datu tu dipongko, anna patamai bilik dinii manganna inan kamammaran. Nabunian Atalya, naurungan tae’ nadipatei.

2 DATU 11:2 Referans Kwoze

YEHEZKIEL 40:45

Ma’kadami lako kaleku, Nakua: Iate bilik mentingo sau’ la nanii mintu’ to minaa, tu untoe pentoean lan Banua Kabusungan.

YEREMIA 35:2

Maleko lako bati’na Rekhab, ammu sipa’kada, ammu baai lako banuanNa PUANG, tama misa’ sapa’ sia pairu’i uai anggoro’.

YEREMIA 33:26

mane dukari la Kutibe tu bati’na Yakub sia bati’na Daud, taungKu, Kuurungan tang unnalai dio mai bati’na tu tau la umparenta tarukna Abraham, Ishak na Yakub, belanna la Kupopembali tu toto’na tau iato mai sia la Kukaturu-turui.

YEREMIA 33:21

mane dukari dipoka to tu basseKu sola taungKu Daud, naurungan tae’mo anakna muane tu la dadi datu dao isungan kapayunganna, sia sola tu mai to Lewi, iamotu mintu’ to minaa, taungKu.

YEREMIA 33:17

Belanna nakua kadanNa PUANG: Tae’ nala ka’tu len dio mai Daud tu misa’ tau tu la unnisung dao isungan kapayunganna to Israel;

YESAYA 37:35

Sia la Kurinding pala’ te kota iate, angKu lendokanni, belanna sangangKu sia belanna Daud, taungKu.

SARAMBU PEADA’ 21:30

Tae’ tu kakinaan sia tae’ tu tangnga’ kinaa, tae’ duka tu bisara, ke umpennoloiki’ PUANG.

2 OSSORANNA DATU 22:11

Apa naala Yosabat, anakna baine datu, tu Yoas, anakna muane Ahazia, nabaa bunii sola to mantaranakna dio mai mintu’ anakna muane datu tu dipongko, anna patamai bilik dinii manganna inan kamammaran. Susimoto tu Yosabat, anakna baine datu Yoram, bainena to minaa Yoyada – belanna anak daranna Ahazia – umbunianni Atalya, naurungan tae’ napatei.

2 DATU 11:21

Iatu Yoas pitung taunmo tonna dadi datu.

2 DATU 8:19

Apa tae’ duka nala ussanggangi PUANG tu to Yehuda belanna diona Daud, taunNa, susitu Napokada lako, kumua la Nakamasean misa’ palita, iamotu mai bati’na undinna.

2 DATU 8:16

Iatonna taun ma’pellima kadatuanna Yoram, anakna Ahab undatui to Israel, – tonna Yosafat undatui to Yehuda –, dadimi datu tu Yoram, anakna Yosafat, umparenta to Yehuda.

1 DATU 6:10

Sia iatonna pabendanni tu bilik dio mintu’ banua iato, silima siku langka’na (ke misa’oi), namane ullopakki kayu arasi’.

1 DATU 6:8

Iatu ba’ba kalada’ diongna lu dio kanan banua iato sia eran tilekko tu diolai kendek langngan kalada’ tangnga sia dio mai kalada’ tangnga langngan kalada’ ma’pentallunna.

KATASSURAN 8:3

Naurungan iatu salu Nil umpasikarangan tokko’ tassu’, anna kendek langngan tongkonan layukmu sia la tama bilik patindoammu, ondongpi la langngan inan mamma’mu, sia tama banuanna mintu’ to mase’ponmu sia mintu’ taummu sia tama dapo’mu sia tama pa’ta’pungammu.

TO PARENGNGE’ 9:5

Iatonna rampo lako to’ banuanna ambe’na dio Ofra, napateimi tu mai siulu’na, anakna muane Yerubaal, pitungpulo dao misa’ batu. Apa iatu Yotam, anak tampakna Yerubaal, tuo siapa, belanna umpembunian kalena.

2 DATU 11:3

Torromi sola annan taunna membuni lan banuanNa PUANG, tonna Atalya ma’parenta lan tondok.

2 DATU 12:1

Iatonna taun ma’pempitu kadatuanna Yehu, dadimi datu tu Yoas, nama’parenta patangpulo taunna dio Yerusalem. Iatu indo’na disanga Zibya, dio mai Bersyeba.

1 DATU 11:17

Apa mallai tu Hadad sia ba’tu pira-pira to Edom, to mase’ponna ambe’na, nasolan la umpallaian kalena lako Mesir; na attu iato mangura tonganpa tu Hadad.

1 OSSORANNA DATU 3:11

na iatu anakna muane Yosafat iamotu Yoram, na iatu anakna muane Yoram iamotu Ahazia, na iatu anakna muane Ahazia iamotu Yoas,

YEREMIA 36:26

Mangkato nasuami datu tu Yerahmeel, anak arung, sia Seraya, anakna Azriel, sia Selemya, anakna Abdeel, untingkan Barukh, to massura’ sia nabi Yeremia, apa Nabunimo PUANG sola duai.