2 DATU 10:6 - Sura' Madatu

⁶ Iatu Yehu ma’penduanmo massura’ to lako tau iato mai, nakua: Iake la situru’ki’ sia miperangii tu kadangku, alai ulunna tu mintu’ muane, iamotu mai anakna puangmi, ammi sae lako kaleku dio Yizreel, masiang ke attu susite. Iatu mai anakna datu pitungpulo torro dio lu to kapua lan tondok, tu to unnada’i.

2 DATU 10:6 Referans Kwoze

LUKAS 9:50

Nakuami Yesu lako: Da migagai, belanna iatu to tang unneakomi, iamo solami.

MATIUS 12:30

Minda-minda tu tang mirring lako Kaleku, iamo unneaNa’, sia minda-minda tu tang Kusisolan mangrampun, iamo ma’pasisarak-sarak.

AYUB 21:19

Nananna Puang Matua tu pa’pandasa lako anakna. (Apa ma’kadana’ kukua): sipatu tu Puang umpapakkanni tu kalena tau iato, namane ussa’dingi;

2 DATU 9:32

Mentiromi tu Yehu langngan pentiroan, nama’kada nakua: Mindara la unturu’na’? Mindara? Denmi dua, tallu to mase’ponna datu untiroi.

PA’TOLE 5:9

Da’ mutukku umpenombai sia da’ mupengkaolai, belanna Akumo, PUANG, Kapenombammu, Kapenomban manoka ditimba oloNa, tu umpapakkanni kakelokanna mintu’ ambe’ lako anakna sia lako osso’ ma’pentallunna sia ma’penna’pa’na tu mintu’nato ungkabiri’Na’,

KADIBILANGAN 25:4

sia ma’kada tu PUANG lako Musa, Nakua: Alami tu mintu’ pangulunna bangsa iato, ammu toke’i dio tingayona to buda la umpamatande PUANG, kumua anna soro’ tu kare’dekan ara’Na PUANG dio mai Israel.

2 DATU 10:5

Mesuami tu pangulu to mase’ponna datu sia kamandang kota sia iatu mai pekaamberan sia to ma’pangada’ lako Yehu, nakua: Iate kamite taummikan, iatu mintu’ parentami kidudung, moi misa’ tau tae’ra kiangka’ datu; apa iatu misanganna melo, pogau’mi.

2 DATU 10:7

Iatonna rampomo tu sura’ lako tau iato mai, natingkanmi sia napatei tu anakna datu, pitungpulo, na iatu mai ulunna napatama karandang, napa’peanni Yehu lako Yizreel.

2 DATU 10:9

Masiang to, sunmi tu Yehu, nabendan dio tingayona to buda nama’kada nakua: Iatu kamu sola nasang tae’ misala. Manassa akumo tu umpaden kasipakulu-kuluan unnea puangku na akumora tu umpatei. Apa mindara ia umpatei nasangi te?