1 SAMUEL 8:3 - Sura' Madatu

³ Apa iatu anakna tae’ naturu’ bate lalanna ambe’na, sangadinna ungkabudai kamanengkengan, ungkande pappe’ sia ulleko’ katonganan.

1 SAMUEL 8:3 Referans Kwoze

PA’TOLE 16:19

Da mupakelokki tu salunna; da mumentiro lindo sia da mutarima pappe’. Belanna iatu pappe’ umpabuta mata to kinaa, sia ulleko’ kada to tongan.

1 TIMOTIUS 6:10

Belanna iatu kabasisi-inaan lako doi’, iamo garonto’na mintu’ kakadakean; na iatu to undaka’nai tu iannato, pusamo diona kapatonganan sia umpatamai bungin lassu kalena.

PA’PUDIAN 15:5

Iamotu to tang umpamala’da’ denne’ doi’na, sia tang ungkande pappe’ la umpandasa to tang sala. Minda-minda ungkariturui tu iannate, tae’ nala tilende’ tontong sae lakona.

KATASSURAN 23:8

Sia da mutarima pappe’, belanna iatu pappe’ umpabuta to pakita sia umputa’-puta’ kara-karana to tang sala.

KATASSURAN 18:21

Apa la mudaka’ dio lu tau iato mai tu ba’tu pira-pira to malinta’ sia ungkabangnga’ Puang Matua, sia manappa’ sia ungkabiri’ saro bu’tu kadake, ammu angka’i pangulunna to buda, den pira umpangului sangsa’bu tau, saratu’ tau, limangpulo tau, na sangpulo tau.

1 TIMOTIUS 3:3

tang pa’anggoro’, ba’tu passiboboran, sangadinna to sallo’ penaanna, tangia to passite’geran sia tangia to ungkaduangi doi’;

YESAYA 33:15

To umparri-parri kamaloloan sia umpokada apa tongan; tu untumpu saro bu’tu kadake tu lu dio mai pa’pakario-rio; tu tang tikarang limanna untarima pa’pappe’, tu untampun talinganna da narangii tu tangnga’ la papatean sia untutu’ matanna, da natiro apa kadake.

2 SAMUEL 15:4

Sia nakuapa Absalom: Oo, iakenna susinna aku diangka’ to ma’paolai salu lan tondok iate, lendu’ ia melona; kumua anna mintu’ tau tu den kara-karana ba’tu kasigaganna, ma’din sae lako kaleku, angku sanda tonganni.

TOMANGADA’ 2:19

Sia mindara untandai, ba’tu to kinaaraka, ba’tu to baga; moi nasusi to iamo la ungkuasai tu mintu’ apa kukara’ta’i sia kukarang situang kakinaangku lan naarrang matanna allo; ia duka tu apa iato tae’ gai’na.

PA’PUDIAN 26:10

Lan lisu pala’na den kakadakean, sia iatu lima kananna ponno pappe’.

KATASSURAN 23:6

Da muputa’-puta’i tu katongananna to bongkomu lan kara-karana.

1 SAMUEL 2:35

La Kupadenan Kaleku tu misa’ to minaa manappa’ sia iamo la umpogau’i tu apa lan penaangKu sia lan tangnga’Ku; Aku la umpabendananni misa’ banua matontongan sia tontong la lolang dio olona to Kutokko.

1 SAMUEL 12:2

Totemo, tiromi tu datu iato ullopiangkomi. Apa iatu aku te matuamo’ sia ubanammo’; iatu anakku muane da’dua iti’ sia misisolan; iatu aku randuk dio mai mangurangku ullopiangkomi sae lako allo iate.

YESAYA 1:23

Iatu tedong pariu’mu pabali-balimo sia sibaa to bokomo; pantan ungkaduangi pamengan sia unnanga’ pappe’, tae’ anna pasipatui patunna tu pia biung sia tae’ naperangii kara-karana baine balu.

MIKHA 3:11

Iatu mintu’ pangulu ma’paolai salu ungkande pappe’, sia mintu’ to minaa mangada’ umpalaku saro sia mintu’ nabi pakita-kita umpalaku doi’. Moi na susito iatu tau iato mai sande’ duka lako PUANG sia ma’kada nakua: Tae’raka PUANG dio lu kaleta? Tae’ nala urrampoiki’ kamandasan!