1 SAMUEL 7:16 - Sura' Madatu

¹⁶ Taunoi-taunoi maleoi tu Samuel ullelei tondok randuk dio mai Betel sae lako Gilgal sia Mizpa, sia dio mintu’ tondok iato nanii ullembanganni tu toean to parengnge’ lako to Israel.

1 SAMUEL 7:16 Referans Kwoze

PA’PUDIAN 75:2

KipudiKomi, o Puang Matua, inang kipudiKomi, belanna mandappi’ sia tu sangamMi, sia mintu’na penggauran kalle-kalleamMi naulelean tau.

TO PARENGNGE’ 12:14

Iatu anakna muane patangpulo na ampona tallungpulo; pitungpulo keledai laki nasakei sola nasangi. Naparentami tu to Israel karua taunna.

TO PARENGNGE’ 10:4

Iatu anakna muane den tallungpulo, ussakei keledai laki tallungpulo sia unnampui tu tallungpulo tondok, tu disangai sae lako allo iate kampongna Hawot-Yair lan lili’na Gilead.

TO PARENGNGE’ 5:10

E kamu sola nasang, to ussakei keledai busa’, e kamu to unnisungi permadani, sia kamu mintu’ to lumingka, pokadami tu iannato.

KADADIAN 28:19

Nasangaimi Betel tu inan iato, apa iatu sanga dolona tondok iato, disanga Lus.

KADADIAN 35:6

Susimito anna rampo tu Yakub sia mintu’ to nasolan lako tondok Lus, dio tondok Kanaan, iamotu Betel.

YOSUA 5:9

Ma’kadami tu PUANG lako Yosua, Nakua: Allo iate Kulendokammo dio mai kalemi tu kanabellerammi to Mesir. Iamoto nasangai tau Gilgal tu inan iato sae lako allo iate.

YOSUA 5:10

Iatonna ma’tenda tu to Israel dio Gilgal, napakarayami tu Pa’pasa tonna allo ma’pessangpulo a’pa’ bulan iato makaroen lan padang Yerikho.

1 SAMUEL 7:5

Mangkato nakuami Samuel: Rampunni tu mintu’ to Israel lako Mizpa, angku pengkamoyangkomi lako PUANG.

1 SAMUEL 11:14

Sia nakuapa Samuel lako to buda: Maikomi, melo ke maleki’ lako Gilgal, anta ba’rui tu kadatuan dio.

AMOS 5:5

Apa da midaka’ Betel, sia da mimale lako Gilgal, sia da mike’de lako Bersyeba. Belanna iatu Gilgal inang la male dipali’ sia iatu Betel la diputtai.

YOSUA 18:26

Mizpa, Kefira, Moza,

1 SAMUEL 10:17

Mangkato natambaimi Samuel tu mintu’ tau sirampun lako PUANG dio Mizpa,

HOSEA 5:1

Perangii te, e kamu to minaa, sia parinaai te, e to Israel, sia tananni talinga, e kamu to lan banuanna datu! Belanna iatu kamu, la narampoikomi ukungan, belanna dadikomi poya lako Mizpa, sia misa’ dalla’ tiballa’ dao Tabor.