1 SAMUEL 4:10 - Sura' Madatu

¹⁰ Pararimi tu to Filistin, anna taloi tu to Israel, sisarambuammi mallai sola nasangi, pantan sule lako to’ tendana; nalendu’ ia budanna dipongko, naurunganni siapanammo mate tu to Israel tallungpulo sa’bu, iamotu surodadu ma’lingka.

1 SAMUEL 4:10 Referans Kwoze

2 DATU 14:12

Iatu to Yehuda natalomo to Israel, anna pada mallai sule lako to’ tendana.

1 SAMUEL 4:2

Iatu to Filistin ma’pampangan umpessitammui to Israel, anna sipakarua’ sirari, nataloi to Filistin tu to Israel, anna patei tu to Israel dio lu padang nanii sirari agi-agi patangsa’bu.

PA’TOLE 28:25

PUANG la ussorongko lako ualimmu, ammu talo. Sangbambari tu lalan la munii sae unneai, apa pitu tu lalan la munii mallai dio mai tingayona, muurungan dadi misa’ katirambanan lako mintu’ kadatuan lan lino.

SURA’ KATOMINAAN 26:17

La messaileMo’ unneakomi, miurungan natalo ualimmi sia mintu’ tu to ungkabiri’komi iamo la umparentakomi, sia la mallaikomi, moi natae’ misa’ tau unnula’komi.

2 SAMUEL 18:17

Naangka’mi tau tu batang rabukna Absalom, napembuanganni rokko misa’ garuang kapua lan pangala’ iato, anna tombonni tu batu daona lu. Mallai nasangmi tu mintu’ to Israel pada sule lako tendana.

PA’PUDIAN 78:9

Mintu’ bati’na Efraim, iamotu to sakka’ pa’buno tinaranna, sumoro’mo ditalo tonna parari.

2 OSSORANNA DATU 25:22

Iatu to Yehuda natalomo to Israel, anna pada mallai sule lako to’ tendana.

2 OSSORANNA DATU 13:17

Iatu Abia sola mintu’ surodadunna umpateimo to Israel buda tongan, anna mate tu to Israel limaratu’ sa’bunna tu pa’barani lalong.

1 DATU 22:36

Iatonna la lambunmo allo, denmi tau metamba umpekapuai gamaranna anna silelean lan to’ surodadu, nakua: Melo ke pantan sulei tu tau lako kotana sia lako tondokna.

1 DATU 12:16

Iatonna tiromi mintu’ to Israel tu diona datu tang napasiolamo tu palakunna, mebalimi lako datu nakua: Tae’mo tasangbilangan tu Daud, sia tae’mo tasangmana’ tu anakna Isai! E, to Israel, sulemokomi lako tendami! Karitutui kalenami tu tongkonammi, e Daud! Sulemi tu mintu’ to Israel lako to’ tendana.

2 SAMUEL 20:1

Sirupangmi den dio tu misa’ to bulituk, disanga Seba, anakna Bikri, to Benyamin, umpannonimi napiri tanduk anna ma’kada nakua: Iatu kita tae’ tasangbilangan tu Daud, sia tae’ tasangmana’ tu anakna Isai; e to Israel pada sulemokomi lako tendami.

2 SAMUEL 19:8

Ke’de’mi tu datu anna male unnisung tama babangan kota. Napokadami tau lako surodadu, nakua: Malemo tu datu unnisung tama babangan. Saemi tu mintu’ surodadu mennolo lako datu. Apa iatu to Israel pantan mallai lako tendana.

2 SAMUEL 18:7

Iatu to Israel natalo surodadunna Daud; makambanmi kandean bassi inde to, namate tu tau duangpulo sa’bu.

PA’TOLE 28:15

apa iake tae’i muperangii tu gamaranNa PUANG, Kapenombammu, sia tae’ mukaritutui tonganni tu mintu’ pepasanNa sia iatu aluk Napondok, tu kupapassanangko allo iate, manassa la narampoiko sia naruako te mintu’ pa’tampak ropu,

YEREMIA 7:12

Belanna ma’dinkomi male lako to’ inanKu dio Silo, tu pamulanna Kunii umpaunnisung sangangKu; tiromi tu apa mangka Kuparampoanni, natumang mintu’ kakadakeanna taungKu Israel.

1 SAMUEL 3:11

Ma’kadami tu PUANG lako Samuel, Nakua: Manassa la umpogau’Na’ misa’ penggauran lan lu to Israel, naurungan tilanta’ lan talinganna minda-minda urrangii.