1 SAMUEL 22:3 - Sura' Madatu

³ Tilelemi tu Daud inde to dio mai lako Mizpa lan lili’na Moab; anna ma’kada lako datu Moab, nakua: Elorampi tu indo’ ambe’ku torro sola mintu’ taummi sae lako kuissanna umba Napakuanna’ Puang Matua undinna.

1 SAMUEL 22:3 Referans Kwoze

1 TIMOTIUS 5:4

Apa iake den to balu den anakna ba’tu ampona, la umpogau’ kapengkaolan lako to lan banuanna dolo, sia umpakkanni kameloan to matuanna, belanna iamote tu melo dio oloNa Puang Matua.

1 SAMUEL 14:47

Iatonna manda’ untoe kadatuan tu Saul dio to Israel, narariimi tu mintu’ ualinna tiku lao: Iamotu to Moab, sia to Amon, sia to Edom, sia mintu’ datu to Zoba sia to Filistin. Sia umba-umba tu nanii male parari, inde dukato nanii unnappa’ kapataloan.

1 SAMUEL 3:18

Napokadammi Samuel tu mintu’ kada iato, moi sangbuku kada tae’ nabuni len. Nakuami Eli: Iamo Ia PUANG, da’ito anNa pogau’i tu apa Nasanga melo dio pentiroNa.

RUT 4:17

Nasangaimi baine sangbanuanna, nakua: Dadimo misa’ pia muane dio Naomi; nasangaimi tu pia iato Obed. Iamote tu ambe’na Isai, ambe’na Daud.

RUT 4:10

sia ia duka tu Rut, to Moab, bainena Mahlon kutarimamo angku pobainei, la umpatontongi tu sanganna to mate iato diona mana’na. Susimoto tu sanganna to mate iato tang la ka’tu dio mai mintu’ siulu’na sia dio mai babangan nanii ma’tondok. Kamumo tu la titanan sa’bi.

TO PARENGNGE’ 11:29

Attu iato Narampoimi PenaanNa PUANG tu Yefta, anna tarru’ unnolai Gilead na Manasye, namane tarru’ unnolai Mizpa, dio lili’na Gilead, na dio mai Mizpa, dio lili’na Gilead, ke’de’ tarru’ lako to Amon.

KATASSURAN 20:12

Kasiri’i tu ambe’mu sia indo’mu, anna dipamalambe’ tu sunga’mu lan tu tondok Nakamaseangko PUANG, Kapenombammu.

KADADIAN 47:11

Nadulluammi inan Yusuf tu ambe’na sia mintu’ siulu’na, nabenni padang lan tana Mesir, padang mandu malompo, dio tana Rameses, susitu napokadanna Firaun.

1 SAMUEL 22:2

Sirampun nasangmi lako kalena tu mintu’ to lan kamakario-rioan sia mintu’ to kaindanan sia mintu’ to mapalla penaanna; iami umpangului tu tau iato mai, anna torro sola, tu agi-agi a’pa’ratu’ muane.

1 SAMUEL 22:4

Nasolammi Daud tu tau iato mai mentilindung lako datu Moab, anna torro sola lan mintu’ allo katorroanna Daud lan tambakuku iato.

2 SAMUEL 8:2

Sia natalo duka tu to Moab, sia nasua mamma’ tungara diong padang, nasuka’i ulang; iake naalaoi ulang pesuka’ sipenduan, iamo dipatei, na iatu ganna’na sipissan ulang pesuka’, iamo dipatuo. Susimoto tu to Moab mengkanorong lako Daud sia umbaya’ sima.