1 SAMUEL 22:2 - Sura' Madatu

² Sirampun nasangmi lako kalena tu mintu’ to lan kamakario-rioan sia mintu’ to kaindanan sia mintu’ to mapalla penaanna; iami umpangului tu tau iato mai, anna torro sola, tu agi-agi a’pa’ratu’ muane.

1 SAMUEL 22:2 Referans Kwoze

MATIUS 11:28

Malekomi mai, e kamu mintu’ boyo’na sia dipapassanni magasanna, Akumote tu la umbenkomi kapelayoan.

1 SAMUEL 30:6

Kapussakan tongan tu Daud, belanna iatu to buda sipa’kada-kada la untumbui batu, belanna kamapallanna penaanna tu to buda, tu diona anakna muane sia diona anakna baine, apa iatu Daud umpabatta’ penaanna urrannuan PUANG, Kapenombanna.

1 SAMUEL 25:13

Ma’kadami tu Daud lako mintu’ taunna, nakua: La pada untakin nasangkomi pa’dangmi. Pantan untakin nasangmi pa’dangna sia Daud kalena untakin duka pa’dangna, anna male nasang tu tau iato mai unturu’ Daud, agi-agi a’pa’ratu’ tau na duaratu’ tu tau torro dio ungkampai mintu’ parea.

1 SAMUEL 23:13

Ta’kala ke’de’mi tu Daud sola mintu’ solana, agi-agi annanratu’, tassu’ lan mai Kehila, anna salamba salao lu lako lu dio mai. Iatonna pokadammi tau Saul, kumua tilendokmo tu Daud lan mai Kehila, tae’mi napatarru’ kalingkanna tu datu lako.

1 SAMUEL 9:16

Masiang agi-agi attu susite la Kusua lako kalemu tu misa’ muane dio mai lili’na Benyamin; la mutokko la dadi arungna taungKu Israel, iamo la urrampanan taungKu dio mai limanna to Filistin. Belanna maturu-turuNa’ untiroi tu taungKu, saba’ rampomo pengkamoyana lako Kaleku.

1 SAMUEL 1:10

Belanna tarru’ masussa tu penaanna, mengkamoyami lako PUANG, anna unnade-ade tumangi’.

TO PARENGNGE’ 11:3

Iamoto namallai tu Yefta dio mai siulu’na anna torro dio Tob, anna sae sirampun lako tu ba’tu pira-pira muane palong nasisolan, anna male sola.

IBRANI 2:10

Belanna Puang Matua, tu bannang Dio sia tete Dio duka napodenNi angge maritik, anNa solan ba’tu sangapa budanna anak lako kamala’biran, pato’ umpasundun Panglalan kasalamaranna tau iato, tete dio buda kamaparrisan.

MATIUS 11:12

Tempon dio mai tonna Yohanes Pa’dio’ sae lako totemo masarrang kumarorak tu Parenta Suruga sia narabak to unnea parrangi.

SARAMBU PEADA’ 31:6

Benni pangiru’ palango lako minda-minda tu kapu’duran sia uai anggoro’ lako minda-minda tu rosso tongan penaanna.

2 DATU 20:5

Tibalikko sule sia pokadanni Hizkia, arungna taungKu, kumua: Inde sia tu kadanNa PUANG, Kapenombanna Daud, nene’ to dolomi, nakua: Kurangimo tu passambayangmu sia Kutiromo tu mintu’ uai matammu; manassa la Kupamondoko, anna allo ma’pentallun mumale langngan banuanNa PUANG.

2 SAMUEL 17:8

Sia nakuapa Husai: Mitandai kumua iatu ambe’mi sia mintu’ taunna lalong nasang, sia mapalla susi beruang setangan dio lu padang, tu sisayuran anakna. Ondongpi iatu ambe’mi to malute parari, dadi tae’ nala torro ma’bongi sola mintu’ to buda.

2 SAMUEL 5:2

Ondongpi masaimo, tonna datuipakan Saul, puang dukamo tu umpalutama-lulanni-mai tu to Israel, sia lu lako duka kalemi tu kadanNa PUANG: Iko la ungkambi’i tu taungKu Israel sia iko dukamo la dadi datunna mintu’ to Israel.

TO PARENGNGE’ 18:25

Ma’kadami tu to Dan nakua: Da muparangiikanni tu kadammu, den manii to mapalla penaanna unta’paiko, anna ka’tumo sunga’mu sola to lan banuammu.

1 SAMUEL 22:3

Tilelemi tu Daud inde to dio mai lako Mizpa lan lili’na Moab; anna ma’kada lako datu Moab, nakua: Elorampi tu indo’ ambe’ku torro sola mintu’ taummi sae lako kuissanna umba Napakuanna’ Puang Matua undinna.

2 DATU 4:1

Denmi misa’ tu mintu’ bainena passikola nabi mengkamoya lako Elisa sia ma’kada nakua: Iatu taummi, muaneku, matemo sia miissan kalena, kumua iato taummi mengkaola lako PUANG. Na totemo saemo to ma’paindan la unnalai tu anakku da’dua la napokaunan.