1 SAMUEL 2:6 - Sura' Madatu

⁶ PUANG tu ma’pamate sia ma’patuo; Puang tu ma’parokko lino to mate sia ma’pakendek sule.

1 SAMUEL 2:6 Referans Kwoze

PA’TOLE 32:39

Totemo tiromi, kumua iatu Aku, Akumote, tae’ tu Kapenomban, sangadinna Aku. Aku tu ma’pamate sia ma’patuo, ke mangkaMo’ ma’kasanggang ma’pamondoNa’, sia moi misa’ tau tae’ ma’rampanan lan mai kuasangKu.

YESAYA 26:19

Mintu’ taumMi tu matenamo la tuo sule, sia batang rabukku duka; mintu’i la pada malimbangun. Millikkomi sia kumalasi-lasikomi, e kamu sola nasang, tu to diong litak! belanna iatu damo’Mi iamo damo’ paarrang; sia iatu litak la ullua mintu’ to mangka mate.

2 DATU 5:7

Iatonna mangkamo datu to Israel umbasai tu sura’, nase’bu-se’bumi tu tamangkalena, anna ma’kada nakua: Puang Matuara’kate, angku ma’dinra ma’pamate sia ma’patuo, na urunganni te tau iate umparampo kada lako kaleku, kumua la umpamondona’ golenna misa’ tau? Tiromi, manassamo kumua undaka’mo posanga la ungkadakeina’.

KADA OMBO’ LAKO RASULU’ YOHANES 1:18

sia tuo. MangkaMo’ mate, apa tiromi, totemo tuoMo’ tontong sae lakona, sia untoe gonting kamatean sia lino to mate.

AYUB 5:18

Belanna Ia ma’pamapa’dik sia Ia ma’pamole, Ia ma’bamba sia limanNa ma’pamondo.

YOHANES 11:25

Nakuami Yesu lako: Akumote tu kamalimbangunan sia katuoan; minda-minda tu umpatonganNa’, moi anna mate, la tuo;

MATIUS 12:40

Belanna susi nabi Yunus tallung allo tallung bongi lan tambuk bale kapua, susi dukato tu Anak rampan dilino la lan maririnna litak tallung allo tallung bongi masainna.

PA’PUDIAN 116:3

Naluang sambanna’ ulangna kamatean, sia Narampoimo’ parri’ lino to mate, kuperasaimo tu kamaparrisan sia karossoan.

1 SAMUEL 20:3

Umpalaomi sumpa tu Daud nakua: Naissan tongan ambe’mu kumua muporai tonganna’. Iamoto nama’tangnga’ nakua: Tae’ nala dipaissanni Yonatan te iannate, da napomasussai. Apa la tilelukraka tuoNa PUANG sia tuomu, manassa sangpentengkanri alla’ku na kamatean.

PA’PUDIAN 68:20

Mintu’na kadipudian lu langngan Puang; tu urrande pala’ki’ kiallo-kiallo. Iamo Kapenomban, oto’na kasalamaranta. Sela

TOMANGADA’ 3:3

Den tu attu papatean sia den tu attu ma’pamondo, den tu attu mangrondon sia den tu attu ma’pate’dek.

YEHEZKIEL 37:3

Ma’kadami lako kaleku, Nakua: E ma’rupa tau, ma’dinraka te buku iate mai tuo sule? Mebalimo’ kukua: O Puangta PUANG, Kamu unnissanni tu iannato.

YEHEZKIEL 37:12

Iamoto, ma’nubua’ko ammu ma’kada lako tau iato mai kumua: Inde sia tu kadanNa Puangta PUANG, Nakua: Manassa la Kubungka’ tu mintu’ panglamunammi sia la Kupakendekkomi lan mai panglamunammi, e taungKu, angKu solangkomi lako tondok Israel.

1 DATU 17:22

Natanannimi talinga PUANG tu gamaranna Elia, nasule tama tu penaanna tinde pia, anna tuo sule.

PA’PUDIAN 30:4

O PUANG, mangkamo Miendekan tu deatangku lan mai lino to mate, sia mangkamo’ Mipatuo naurunganni tae’ angku tileak tama tondok tang merambu.

PA’PUDIAN 71:20

Kamumo tu mangka umpatiroina’ buda kamandasan sia kamaparrisan, Kamu duka sia la umpatuona’, sia la unnendekanna’ sule diong mai mangapi’na tana.