1 SAMUEL 2:5 - Sura' Madatu

⁵ Iatu to dia’ undaka’ saroan kande unnappa’ kande, anna iatu to tangdia’ ma’din melayo. Iatu to tamanang la kianak sae lako pempitu, anna iatu to makianakan la madodong bangmo.

1 SAMUEL 2:5 Referans Kwoze

LUKAS 1:53

Iatu to tangdia’ Napedia’i ianan, na iatu to sugi’ Nasua sule lo’bang.

PA’PUDIAN 113:9

Iatu to tamanang lan tananan dapo’na Napatulangdan Napoindo’ ba’tu pira-pira pia anna parannu paiman. Haleluya!

YEREMIA 15:9

Iatu baine pempitumo kianak bonnongmo nasa’ding sia ma’ipu; lambunmo tu allona tonna masiang siapa, kasirisammo sia ka’tu rannunna. Ondongpi iatu torronapa, Kusorong la nakande pa’dang dio pentirona mintu’ ualinna, kadanNa PUANG.

PA’PUDIAN 34:10

Kasiri’I, tu PUANG, e mintu’ to masallo’Na, belanna tae’ misa’ kapu’duranna tu to ungkasiri’I.

LUKAS 16:25

Apa nakua Abraham: E anakku, kilalai tommu tuopa mangkamoko unnala kataanan melomu, susi duka tu Lazarus mangkamo unnalai tu kadakena, apa totemo iamo dipakatana, natang mutananmo iko tu parri’mu.

YESAYA 54:1

Kumalasiko, e iko tu tamanangna, tu tae’na bangpa mukianak; unnarrakko sia unnangnga’ko, e iko tu tae’na lenpa mumangurria’, belanna iatu to tae’ balinna mandu buda anakna na iatu to mendapo’, kadanNa PUANG.

1 SAMUEL 1:6

Lendu’ duka ia napa’dikkinna sanglentekna, la umpakarede-redei, belanna Napatamanang PUANG.

1 SAMUEL 1:20

Iatonna agi-agimo sangtaun, ma’tambukmi tu Hana, anna dadian misa’ pia muane, nasangai Samuel, belanna, nakua: Iamote tu kupalaku lako PUANG.

GALATIA 4:27

Belanna den disura’, nakua: Parannuko, e iko tu tamanangna sia tang kianakna, kumalasi-lasi sia sumapukoko, e iko tu tang untandainna kamapa’diran mangurria’. Belanna makianakammo tu to tae’ balinna anna to kemuane.

RUT 4:15

Na iamo la umpakatana penaammi sia undaranaikomi lan kamatuammi, belanna minintummi undadianni, tu ungkamaseikomi, tu mandu losong lako kalemi na iatu pitu pia muane.

YESAYA 33:9

Maru’gun sia talo tu padang iato; iatu Libanon masiri’ sia malayu; iatu Saron susimo padang aak na Basan sia Karmel tae’mo namendaun.