1 SAMUEL 2:4 - Sura' Madatu

⁴ Iatu panana to lalong dile’to-le’to, apa iatu to tilende’ umpotambeke’ kamatotoran.

1 SAMUEL 2:4 Referans Kwoze

PA’PUDIAN 76:3

Dio Salem den tu tendaNa, na dao Sion nanii banuanNa.

PA’PUDIAN 37:15

Apa iatu la’bo’na buana kalena la narua sia iatu bulianna la direbong.

FILIPI 4:13

Mintu’na apa kubela umpassanni lan Kristus, tu umpamatoto’na’.

PA’PUDIAN 46:9

Maimokomi untiroi tu penggauranNa PUANG, tu umpabu’tu kasanggangan lan lino,

IBRANI 11:34

umpapa’de kamasarrangan api, ullendokan kalena dio mai mata pa’dang, malamma’ anna memmawatang, sia lalong lan kapararian, sia untalo russun mintu’ to pararinna uali naurunganni mallai.

2 KORINTUS 12:9

Nakuami ungkuanna’: Silasamo tu pa’kamaseangKu lako kalemu, belanna dipasundun lan kalanggaran tu kamatotorangKu. Iamoto kula’biran ussattuan kalanggarangku, anna torroina’ tu kamatotoranNa Kristus.

PA’PUDIAN 37:17

Belanna iatu takia’na to tang mekaaluk la direbong, apa Nasande’ Puang tu to malambu’.

YEREMIA 37:10

Belanna iake moronganna mipatei nasangi tu mintu’ surodadu to Kasdim, tu misirarian, naurungan torromira ba’tu pira-pira tau, tu mandalan bangkena, manassa ia duka tu tau iato la pada bangun lan tendana anna pura ussumpunni te kota iate.

YESAYA 10:4

Tae’ anna salai tu tau iato mai tang tuttu susi to dipattang; tibambang butung to dipatei. Moi anna susito iate mintu’na, tae’ anna poradanni kasengkeanNa Puang sangadinna tontong bangpa tie’te’ tu limanNa.

EFESUS 6:14

Iamoto la bendankomi umpotambeke’ kamanapparan sia umpokararran kamaloloan,

IBRANI 11:32

Na apa siapara tu la kupokada? Belanna tae’mo pakalangku ke la kuuleleanni tu diona Gideon, Barak, Simson, Yefta, Daud sia Samuel, sia mintu’na tu nabi.

PA’PUDIAN 18:39

Mangkamo kupessambakan naurunganni tang nakullemo malimbangun sule, sia tibambang diong to’ lentekku.

PA’PUDIAN 46:10

Napasoro’ ambun tu tananan ra’ landa’ lako randanna langi’, Narebong-rebong tu tinaran, sia Napolo tu doke, sia Natunu api tu mintu’ kareta.

YESAYA 40:29

Ia umpamawatangi tu to boyo’ sia urrangnganni kamatotoranna to tang pakullemo.

YEREMIA 51:56

Belanna iatu pa’kasanggang sae ullaoi Babel sia iatu mai pa’baraninna dirampa sia le’to tu mintu’ panana, belanna iatu PUANG, Puang Matua ma’pabala’, manassa la ma’pabala’i.