1 SAMUEL 13:7 - Sura' Madatu

⁷ Den duka pira to Ibrani ullamban Yordan, anna male lako Gad sia Gilead, tonna torropa tu Saul dio Gilgal; iatu mintu’ to umbumbunni tu boko’na mataku’ sia ma’parondo.

1 SAMUEL 13:7 Referans Kwoze

TO PARENGNGE’ 7:3

Totemo metambamoko, anna patananni talinga to buda kumua: minda-minda tu mataku’ sia selang, melo ke sulemi namessepang dio mai buntu Gilead. Attu iato sulemi tu to buda duangpulo ndua sa’bu, na iatu torronapa sangpulo sa’bu.

PA’TOLE 28:25

PUANG la ussorongko lako ualimmu, ammu talo. Sangbambari tu lalan la munii sae unneai, apa pitu tu lalan la munii mallai dio mai tingayona, muurungan dadi misa’ katirambanan lako mintu’ kadatuan lan lino.

PA’TOLE 20:8

Sia ma’kada tu mantari’ lako to buda nakua: Minda mataku’ sia ranggang penaanna? Dieloran male sule lako banuanna, kumua da napabonnong tu penaanna siulu’na susi penaanna.

PA’TOLE 3:12

Tondok iate taalamo tapoapa tonna attu iato; randuk dio mai Aroër, tu dio biring salu’-salu’ Arnon, sola sangsesena ma’buntunna Gilead, sia iatu mai kotana kusorong lako to Ruben sia lako to Gad.

SURA’ KATOMINAAN 26:17

La messaileMo’ unneakomi, miurungan natalo ualimmi sia mintu’ tu to ungkabiri’komi iamo la umparentakomi, sia la mallaikomi, moi natae’ misa’ tau unnula’komi.

1 SAMUEL 13:8

Ma’peagi-agi tu Saul pitung allo susitu attu naallu’ Samuel, apa iatona tae’ narampo tu Samuel lako Gilgal, sisarak-sarakmi tu to buda dio mai kalena.

YOSUA 13:8

Iatu to Ruben sola to Gad mangkamo unnappa’ taa mana’na sola (sangsesena rapu Manasye), tu mangkamo napa’bengan Musa lako tau iato mai samballinna lu Yordan, dio rampe matallo susitu mangka napa’bengan Musa, taunNa PUANG, lako tau iato mai,

YOSUA 13:11

sia Gilead sia lili’na to Gesur sia to Maakha sia mintu’ buntu Hermon sia mintu’ Basan sae lako Salkha,

1 SAMUEL 17:11

Iatonna rangimi Saul sia mintu’ to Israel tu kadanna tinde to Filistin, tirambanmi sia lendu’ mataku’na.

1 SAMUEL 31:7

Iatonna tiromi to Israel rampe lakona rante sia sambalinna lu Yordan kumua mallaimo tu to Israel sia matemo tu Saul sola anakna tallu, natampemi tu mintu’ tondok anna mallai. Saemi tu to Filistin anna torro lan.