1 SAMUEL 11:4 - Sura' Madatu

⁴ Iatonna rampo tu pesua iato lako Gibea-Saul, napokadami tu mintu’ kada iato lako to buda, anna siurrukan tumangi’.

1 SAMUEL 11:4 Referans Kwoze

1 SAMUEL 10:26

Sule dukami tu Saul lako banuanna dio Gibea nasolan to barani tu Napatiakka’ Puang Matua penaanna.

TO PARENGNGE’ 2:4

Iatonna mangkamo tu Malaeka’Na PUANG ma’kada susito lako mintu’ to Israel, randukmi tu bangsa iato unnurruk-urruk tumangi’.

1 SAMUEL 30:4

Ma’urrukammi tu Daud sola mintu’ to nasolan unnangle-angle tongan, naurungan tang nabelamo tumangi’.

1 SAMUEL 15:34

Mangkato malemi tu Samuel lako Rama, nasule tu Saul lako banuanna dio Gibea-Saul.

TO PARENGNGE’ 21:2

Saemi tu bangsa iato lako Betel, anna torro dio oloNa Puang Matua sae lako makaroenna, anna tumangi’ umpekapuai gamaranna, nakua:

IBRANI 13:3

Kilalai tu to ditarungku, butung pada ditarungkukomi, sia iatu to dipakario-rio butung batang kalemi dipakario-rio.

GALATIA 6:2

Situndu-tunduangkomi umpassan pamaammi, susimoto la minii ungganna’i tu atoranNa Kristus.

1 KORINTUS 12:26

Iake misa’ lesoan kale mapa’di’, mintu’i ussa’dinganni, sia iake misa’ lesoan kale dipakala’bi’, mintu’i pada-pada parannu.

ROMA 12:15

Pada parannukomi to parannu; sia pada tumangi’komi to tumangi’.

2 SAMUEL 21:6

la mibenkanni pitu tu anakna muane, angki tokeranni PUANG dio Gibeon Saul, to Natonno’ PUANG. Nakuami datu: La kubenkomi.

1 SAMUEL 14:2

Iatu Saul torro dio tampak Gibea diong garonto’ dalima tu dio Migron. Na iatu mintu’ to nasolan agi-agi annan ratu’.

KADADIAN 27:38

Nakuami tu Esau lako ambe’na: Ia mannaraka te misa’ tu pa’passakke miampui, o ambe’? Passakkena’, passakke dukana’! Unnurruk-urrukmi tu Esau tumangi’.

TO PARENGNGE’ 20:23

Malemi tu to Israel, anna tumangi’ dio oloNa PUANG sae lako makaroenna, anna mekutana lako PUANG nakua: Ma’dinra’ka la male pole’ sirari bati’na Benyamin, siulu’ku? Nakuami PUANG: Ke’de’mokomi urrarii.

TO PARENGNGE’ 20:26

Mangkato malemi tu mintu’ to Israel, iamotu mintu’ bangsa, anna rampo lako Betel; torromi inde to dio anna tumangi’ dio oloNa PUANG, nama’puasa allo iato sae lako makaroenna sia umpemalaran pemala’ ditunu pu’pu’ sia pemala’ kasalamaran dio oloNa PUANG.

1 OSSORANNA DATU 12:3

Abiezer, pangulu sola Yoas, anakna muane Semaa, to Gibea; Yeziel sola Pelet, anakna muane Azmawet; Berakha na Yehu, to Anatot;