1 SAMUEL 10:12 - Sura' Madatu

¹² Mebalimi tu misa’ tau inde to dio mai, nakua: Mindara tu ambe’na? Iamoto anna dadi misa’ parumbasan, nakua: Naala dukaraka bilanganna nabi tu Saul?

1 SAMUEL 10:12 Referans Kwoze

YOHANES 6:45

Den disura’ lan sura’na nabi kumua: Mintu’na to tau iato la Naada’i Puang Matua. Na minda-minda tu urrangimi sia melada’ lako Ambe’, iamo sae lako Kaleku.

YESAYA 54:13

Na mintu’ tu anakmu la Naada’i PUANG sia la kapua kasalamaranna mintu’ anakmu.

YAKOBUS 1:17

Iatu mintu’na pamengan sia mintu’na pa’kamase lu dao mai, songlo’ dao mai Ambe’, oto’na mintu’ parrangna dao langi’, Iamotu tang membali sia tae’ natimbayo len katileleanNa.

YOHANES 7:16

Mebalimi Yesu lako tu tau sia Nakua: Iatu pangadarangKu tae’ natuo dio Kaleku, sangadinna lu dio mai tu To ussuaNa’.

1 SAMUEL 10:13

Iatonna mangkamo tiakka’ penaanna ma’nubua’, rampomi langngan inan madao.

1 SAMUEL 19:23

Malemi tu Saul ma’palulako Nayot, sikandappi’ Rama, Narampoi dukami PenaanNa Puang Matua tu Saul naurunganni marassan lumingka, natiakka’mo penaanna ma’nubua’ sae lako rampona dio Nayot, sikandappi’ Rama.

1 SAMUEL 19:24

Nalossokan dukami tu pakeanna. Sia ia dukamo tiakka’ penaanna ma’nubua’ dio tingayona Samuel. Sia sangallo sangbongi bang tang ma’tamangkale. Iamoto nakuami tu tau: Naala dukaraka bilangan nabi tu Saul?