1 DATU 8:9 - Sura' Madatu

⁹ Tae’ bang apa senga’ lan patti iato, sangadi papan batu da’dua tu napalan Musa dao Horeb, iamotu papan batu basse, tu natanan PUANG sola to Israel, tonna tassu’ tu tau iato mai lan mai tondok Mesir.

1 DATU 8:9 Referans Kwoze

KATASSURAN 25:21

La mupatorro tu tutu’ pebase kasalan dao pattinna, ammu palanni patti iato tu kasa’bian tu la Kubenko.

IBRANI 9:4

Nalan to den bulaan pantunuan dupa sia patti basse disapu’ mintu’ bulaan mengguririk, nanii gori-gori bulaan nanii manna lan sia tekken mentarukna Harun, sia da’dua papan batu basse;

KATASSURAN 40:20

Naalami tu kasa’bian, napalanni patti, napalakoi pebulle tu patti iato, nasamboi tutu’ pebase kasalan tu patti iato.

2 OSSORANNA DATU 5:10

Tae’ bang apa senga’ lan patti iato sangadinna papan da’dua, tu napalan Musa dao Horeb, tu Nanii PUANG untanan basse sola to Israel, tonna tassu’ tu tau iato mai lan mai Mesir.

PA’TOLE 4:13

Sia napaissannikomi basse tu Napepasanan lako kalemi ungkaritutui, iamotu Sangpulo Kada. AnNa sura’i dao da’dua papan batu.

KADA OMBO’ LAKO RASULU’ YOHANES 15:8

Na iatu banuanNa Puang Matua naponnoi rambu kamala’biranNa Puang Matua sia kamatotoranNa; moi misa’ tau tae’ nabelai mentama banuanNa Puang Matua sae lako sundunna tu pitu kamaparrisan nabaa malaeka’ sola pitui.

YEHEZKIEL 10:4

Kendekmi tu kamala’biranNa PUANG dao mai karubion iato, anna male lako to’ ampang Banua Kabusungan, na iatu tarampak nasitutu’i arrang kamala’biranNa PUANG.

1 DATU 8:21

Sia kupasakkarammo misa’ inan tu patti, tu nanii basseNa PUANG, tu Natanan sola nene’ to dolota, tonna solanni tu tau iato mai tassu’ lan mai tondok Mesir.

PA’TOLE 31:26

Alami te sura’ Sukaran aluk sia patorroi dio la’pek patti basseNa PUANG, Kapenombammi, kumua nainde to la sa’bi umpasalako.

KADIBILANGAN 17:10

Ma’kadami tu PUANG lako Musa, Nakua: Baai sule tu tekkenna Harun lako tingo kasa’bian, anna dipatorro napotanda tu pabali-bali, ammu paupu’i tu pa’paropo’na tau iato, sia tae’mo Kurangi lenni, da namate.

KADIBILANGAN 9:15

Iatonna allo dinii umpabendan Kema, nasamboimi gaun tu Kema iato, iamotu Tenda Kasa’bian, tonna bongimo nasamboimi gaun tu Kema susito api ditiro sae lako melambi’.

SURA’ KATOMINAAN 16:2

Ma’kadami tu PUANG lako Musa Nakua: Pokadanni Harun, kakammu, kumua lan mintu’ attunna, da natama tu inan maindan dio boko’ kulambu tarru’ lako olo tutu’ pebase kasalan, tu dao patti iato, da namate; belanna ombo’Na’ lan gaun, tu dao tutu’ pebase kasalan.

KATASSURAN 16:33

Sia nakuapa Musa lako Harun: Alako misa’ busso, patamai manna sanggome’, ammu patorroi dio oloNa PUANG, la dinannan mintu’ ampo bati’mi.

KATASSURAN 16:10

Iatonna marassan tu Harun ma’kada-kada lako mintu’ kombonganna to Israel, anna messaile tu tau iato mai lako padang pangallaran, ta’kala paanmi tu kamala’biranNa PUANG lan gaun.

KATASSURAN 14:24

Iatonna dannarimo Natiromi PUANG lan mai lentong api sia gaun tu surodadu to Mesir, anNa patirambanni tu surodadu to Mesir.

KATASSURAN 13:21

Malemi tu PUANG undoloanni, iake masiang lan misa’ lentong gaun, la unnanta’i tu tau iato mai dio lu lalan, na iake bonginna lan lentong api, la unnarrangi tu tau iato mai, kumua anna ma’din lumingka la masiangna, la bonginna.

KATASSURAN 25:16

La mupatama patti iato tu kasa’bian tu la Kubenko.

2 OSSORANNA DATU 5:9

Iatu bulleanna kalando tongan, naurunganni paan tu tampakna tarangso dio to’ patti dio tingayona bilik dio boko’, apa tang natiro tau dio mai salian. Iatu patti iato tontongpa dio sae lako allo totemo.