1 DATU 8:4 - Sura' Madatu

⁴ anna baai langngan tu pattinNa PUANG sia Tenda Kasitammuan sia mintu’ pareanan maindan tu lan tenda iato; iatu umbaai langngan iamotu mintu’ to minaa sia to Lewi.

1 DATU 8:4 Referans Kwoze

2 OSSORANNA DATU 1:3

Malemi tu Salomo sola mintu’ kombongan lako inan madao dinii memala’ dio Gibeon, belanna inde to nanii tu Tenda KasitammuanNa Puang Matua, tu nagaragai Musa, taunNa PUANG, lan padang pangallaran.

1 DATU 3:4

Malemi tu datu lako Gibeon la memala’ dio, belanna iamote tu inan madao mala’bi’na tongan; napemalarammi Salomo tu pemala’ ditunu pu’pu’ sangsa’bu dao inan pemalaran iato.

1 OSSORANNA DATU 6:31

Inde sia tu to naangka’ Daud pangala penanian lan banuanNa PUANG, tonna torro melomo tu patti.

2 SAMUEL 6:12

Iatonna pokadami tau lako datu Daud, kumua: Napamasakke-sakke PUANG tu to lan banuanna Obed-Edom sia mintu’ tu apa dio kalena belanna pattinNa Puang Matua, malemi Daud unnalai tu pattinNa Puang Matua lan mai banuanna Obed-Edom, anna baai langngan kotana Daud situang kaparannuan anna ma’marua’-rua’.