1 DATU 7:8 - Sura' Madatu

⁸ Ia duka tu banua nanii torro lan tarampak senga’, rampe tamanna bilik pa’paolaian salu, pada bang garaganna. Sia nagaraga dukapa Salomo tu misa’ banua pada garaganna tu bilik pa’paolaian salu, napannii anakna baine Firaun tu napobaine.

1 DATU 7:8 Referans Kwoze

2 OSSORANNA DATU 8:11

Nasolammi Salomo sun lan mai tondokna Daud tu lai’na Firaun lako tu banua mangka nabangunanni, belanna nakua: Moi misa’ baineku tae’ nama’din torro lan banuanna Daud, datu to Israel, belanna iatu mintu’ inan, tu nanii rampo pattinNa PUANG, maindan nasang.

1 DATU 3:1

Pakalan napomatusami Salomo tu Firaun datu Mesir, belanna napobaine tu lai’na Firaun sia nabaamo tama kotana Daud sae lako mangkanna tu datu umbangun tongkonan layukna sia banuanNa PUANG sia rinding tembo’ tu untikui Yerusalem.

1 DATU 9:24

Mane tassu’ tu anakna baine Firaun lan mai kotana Daud lako banua kalena tu nagaraganni Salomo, nata’pa umbangunni tu Milo.

2 DATU 20:4

Tae’pa natassu’ tu Yesaya lan mai tarampak tangnga, pakalan saemi tu kadanNa PUANG lako kalena, Nakua:

1 DATU 7:9

Mintu’nate batu maballo nasang, pada suka’na batu dipa’, tu digare’ge’ lanna lu sia salianna, randuk dio mai salinna sae langngan rattiangna, sia randuk duka dio mai batatta sae lako tarampak kalua’.

1 DATU 9:16

Belanna ke’de’mo tu Firaun, datu Mesir untaloi tu Gezer sia nasumpun, sia napatei tu mintu’ to Kanaan torro lan kota iato, anna benni anakna, bainena Salomo, tu kota iato la napa’pabalian lan kasibalianna.