1 DATU 6:16 - Sura' Madatu

¹⁶ Iatu pollo’ banua tu duangpulo siku lambe’na disapa’ papan arasi’ randuk diong mai salinna sae lako balok, anna garagai tu lanna lu mendadi misa’ bilik dio boko’, iamoto tu inan mandu maindan.

1 DATU 6:16 Referans Kwoze

2 OSSORANNA DATU 3:8

Sia nabangun tu bilik tarru’ maindan; iatu landona pada babana banua duangpulo siku, na iatu babana duangpulo duka siku; nasapu’i bulaan tasak annanratu’ talenta.

1 DATU 8:6

Iatu patti basseNa PUANG nabaa to minaa tama inanna, iamotu bilik dio boko’ lan banua iato, iamotu bilik tarru’ maindan diongna lu pani’ karubion.

IBRANI 9:3

Sia iatu sangsapa’ dio boko’ kulambu ma’penduanna iamo disanga inan tarru’ maindan;

SURA’ KATOMINAAN 16:2

Ma’kadami tu PUANG lako Musa Nakua: Pokadanni Harun, kakammu, kumua lan mintu’ attunna, da natama tu inan maindan dio boko’ kulambu tarru’ lako olo tutu’ pebase kasalan, tu dao patti iato, da namate; belanna ombo’Na’ lan gaun, tu dao tutu’ pebase kasalan.

YEHEZKIEL 45:3

La musuka’ dio mai padang mangkamo disuka’ duangpulo sa’bu siku lambe’na sia sangpulo sa’bunna siku babana; inde to lan la nanii inan maindan, iamoto tu la tarru’ maindan.

1 DATU 6:5

Anna dio to’ rinding nagaraga tu ba’tu pira-pira bilik dipasikande banua, dio to’ rinding banua tiku lao, dio to’ bilik kapua sia to’ bilik boko’ tiku lao; sia napopa’kalada’-lada’ langngan tiku lao.

KATASSURAN 26:23

Sia la mugaragampa da’dua papan la untutu’i tu da’dua tetuk kema tu diona boko’.

1 DATU 6:17

Iatu banua iato, iamotu bilik kalua’ dio tingayona, patangpulo siku lambe’na.

1 DATU 7:7

Sia nagaraga duka tu bilik inan isungan kapayungan, tu nanii ma’paolai salu, iamotu bilik pa’paolaian salu, tu dilopak kayu arasi’ randuk diong mai salinna sae langngan rattiangna.

YEHEZKIEL 41:4

Mangkato nasuka’mi tu lambe’na bilik lanna lu: duangpulo siku na babana duangpulo siku, siunduk sa’de bilik kapua; anna ma’kada lako kaleku nakua: Iamote tu inan tarru’ maindan.