1 DATU 6:12 - Sura' Madatu

¹² Iate banua mupabendan, ke lolangko unturu’ mintu’ apa Kupondok, sia umpogau’i tu mintu’ atorangKu sia ungkaritutui tu mintu’ pepasanKu ammu pengkaolai, manassa la Kupamatua tu kadangKu lako kalemu, tu mangka Kupokada lako Daud, ambe’mu,

1 DATU 6:12 Referans Kwoze

1 OSSORANNA DATU 22:10

Iamo la umpabendanan misa’ banua sangangKu; na iamo la Kupoanak, sia Akumo tu la napoAmbe’; Akumo la umpamanda’i tu isungan kadatuanna dio lu to Israel sae lakona.

KOLOSE 1:23

podo ammi bantang sia batta’ umpoparandangan kapatonganan, apa pole’pa, ke tae’i mimemboko’ dio mai kapa’rannuanan napabu’tu Kareba-kaparannuan, tu mangkamo mirangi, tu dipa’peissanan lako mintu’ sangga menaa lan nasambo langi’ sia tu kuninna te aku Paulus mendadi to ma’kamayana.

PA’PUDIAN 132:12

Iake nakaritutui bati’mu tu basseKu sia iatu kasabi’angKu tu Kupatuduanni, manassa iatu mai bati’na la unnissungi kapayungammu tontong sae lakona.

1 DATU 3:14

Sia iake lolangko unnola lalanKu sia mukaritutui tu mintu’ apa Kupondok sia mintu’ pepasanKu susi kalolanganna Daud, ambe’mu, manassa la Kupamalambe’ tu sunga’mu.

ZAKHARIA 3:7

Inde sia tu kadanNa PUANGna mintu’ ma’dandan maritik, Nakua: Iake muturu’i tu mintu’ lalanKu sia mukaritutui tu apa Kupatagerangko, manassa la muparenta tu banuangKu sia la mukampai duka tu tarampakKu, angKu elorangko male sola tu tau bendan inde te.

1 OSSORANNA DATU 28:9

Na iko, e Salomo, anakku, la mutandai tu Kapenombanna ambe’mu sia ponno penaammu sia masorok ba’tengmu la umpengkaolai, belanna Nasudi PUANG tu mintu’ penaa sia Natarru’ tu mintu’ apa ditangnga’, Iake mudaka’I tu Puang, inang la Naelorangko unnappa’I, apa iake muboko’I, la Natibeko sae lakona.

1 DATU 8:25

Na totemo, o PUANG, Kapenombanna to Israel, palanda’mi tu apa mangka Mipokada lako taumMi Daud, ambe’ku, kumua: Tae’ anna ka’tu len tu bati’mu dio oloKu la unnisungi isungan kapayunganna Israel, podo ke ungkaritutui lalanna tu anakmu muane sia lolang dio oloKu susi kalolangammu dio oloKu.

2 SAMUEL 7:5

Malemoko, pokadanni taungKu Daud, kumua: Susite tu kadanNa PUANG: la mugaraganRa’ka misa’ banua, angKu torro lan?

1 DATU 6:11

Saemi tu kadanNa PUANG lako Salomo, nakua:

1 DATU 11:10

sia tu mangka umpepasananni tu diona apa iate, kumua da mupenombai kapenomban senga’; apa tae’ nakaritutui te pepasanNa PUANG.

YEREMIA 7:5

Tae’ natongan to, apa iake mipemeloi tonganni tu lalanmi sia penggaurammi, sia iake malambu’komi umpaolai salunna tu tau anna solana,