1 DATU 5:4 - Sura' Madatu

⁴ Apa totemo Nakamaseina’ PUANG, Kapenombangku, kamarampasan tiku lao, natae’ tau kusiualian sia tae’ kapangean sia tae’ kamandasan.

1 DATU 5:4 Referans Kwoze

1 OSSORANNA DATU 22:9

Manassa den misa’ pia muane la dipadadiangko; na ia la dadi misa’ to marampa’, belanna Aku la urrinding pala’i dio mai mintu’ ualinna tiku lao, anna torro manaman. Belanna la disangai Salomo sia Aku la ungkamasei kamarampasan sia kamakarimmanan dio lu tondok Israel to ke linona.

1 DATU 4:24

Belanna naparenta datu tu mintu’ lili’ indena mai salu Efrat, randuk dio mai Tifsah sae lako Gaza, iamotu mintu’ datu indena mai Salu, anna marampa’ tu datu tiku lao.

PENGGAURANNA RASULU’ 9:31

Torro manamanmi sia marampa’ tu kombongan to Sarani dio mintu’ tana Yudea sola Galilea na Samaria sia dipabatta’ sia ungkataku’ Puang Matua; anna pa’tunduanNa Penaa Masallo’ nasakerangngan-rangnganna.

YESAYA 9:7

Napasonglo’mo Puang tu misa’ kada lako Yakub, nata’pa lan Israel.

PA’PUDIAN 72:7

Sangapaoi, ke attunnami dako’, la maupa’ tu to malambu’, sia sebo tu kamarampasan sae lako pa’dena tu bulan.

2 SAMUEL 7:5

Malemoko, pokadanni taungKu Daud, kumua: Susite tu kadanNa PUANG: la mugaraganRa’ka misa’ banua, angKu torro lan?

YOSUA 15:47

Asdod sola lili’na sia kampongna, Gaza sola lili’na sia kampongna, sae lako salu’-salu’na Mesir, tasik Kapua sia biringna.

1 DATU 5:18

Mintu’ pandena Salomo sia mintu’ pandena Hiram sia to Gibal untara kayu sia umpa’ batu sia napasirapa’ melo tu apa iato la umbangunni tu banua.

1 DATU 11:25

Iamo ualinna to Israel angge tuona Salomo; senga’pi to tu kakadakean napogau’ Hadad. Iatu Rezon ungkagi’gi’ to Israel sia iamo datu dio Aram.

2 DATU 18:8

Natalomi tu to Filistin sae lako Gaza sia (Nasanggang) tu mintu’ lili’na, randuk dio mai manara pa’kampan sae lako kota ditambakuku.

EZRA 4:20

Sia den duka dolona tu mai datu tarompo’ umparenta Yerusalem, tu ungkuasai mintu’ lili’ sambalinna lu Salu sia iatu nanii tau umbaya’ sima ulu sia sassung sia sima balukan.