1 DATU 4:6 - Sura' Madatu

⁶ na Ahisar tu pangulu sandan uainna datu, sia Adoniram, anakna Abda, kapalana to umpasirundunan pa’diaman lompo.

1 DATU 4:6 Referans Kwoze

1 DATU 12:18

Nasuami datu Rehabeam tu Adoram, kapala pa’diaman, apa natumbui batu mintu’ to Israel, anna mate; sidi’mora natang pakala kendek langngan kareta la mallai lako Yerusalem.

1 DATU 9:15

Iamote tu bannangna naarakki datu Salomo tu tau la umbangunni tu banuanNa PUANG sia banua kalena, Milo, benteng tembo’ Yerusalem, Hazor, Megido na Gezer.

2 SAMUEL 20:24

Iatu Adoram kapalana to umpasirundunan pa’diaman lompo, sia Yosafat, anakna Ahilud, pa’paelean.

1 DATU 4:5

Azarya, anakna Natan, pangulu to maraya; na Zabut, anakna Natan, misa’i to minaa, tu sangmanena datu;

1 DATU 4:7

Sia den dukato marayanna Salomo sangpulo dua lan mintu’ lili’na Israel tu la umpoissan kandena datu sia tongkonan layukna; sisangbulan lan sangtaun la untu’gun kandena datu.

2 OSSORANNA DATU 8:8

iamotu mintu’ bati’na tu torrona siapa undinna lan tondok iato, tu tang nasabu’i to Israel, naarak Salomo napopa’diama lompoi sae lako allo iate.

2 OSSORANNA DATU 10:18

Nasuami datu Rehabeam tu Hadoram, kapala pa’diaman, apa natumbui batu mintu’ to Israel, namate; iatu datu Rehabeam sidi’mora natang kendek langngan kareta, la mallai lako Yerusalem.