1 DATU 4:5 - Sura' Madatu

⁵ Azarya, anakna Natan, pangulu to maraya; na Zabut, anakna Natan, misa’i to minaa, tu sangmanena datu;

1 DATU 4:5 Referans Kwoze

1 OSSORANNA DATU 27:33

Iatu Ahitofel pa’bisaranna duka datu, na iatu Husai, to Arki, iamo marengke’na datu;

2 SAMUEL 16:16

Iatonna saemo tu Husai, to Arki, sangmanena Daud mennolo lako Absalom, nakuami, lako: Na maupa’mora tu puangku! Na maupa’mora tu puangku!

2 SAMUEL 15:37

Iatonna rampo tu Husai, sangmanena Daud tama kota, attu ia dukato natama kota Yerusalem tu Absalom.

YAKOBUS 2:23

Na susito nalambi’mo tu kada lan Sura’ Madatu, nakua: Napatonganmo Abraham tu Puang Matua, na iamorato tu dibilang kamaloloan lako kalena; iamo disangai sangmaneNa Puang Matua.

YOHANES 13:23

Denmi misa’ tu anak gurunNa iamo Napakaboro’na, sissare lako barangkangNa.

SARAMBU PEADA’ 22:11

Minda-minda ungkabudai ma’penaa masero sia minda-minda ma’puduk masokan, naposangmane datu:

1 DATU 4:7

Sia den dukato marayanna Salomo sangpulo dua lan mintu’ lili’na Israel tu la umpoissan kandena datu sia tongkonan layukna; sisangbulan lan sangtaun la untu’gun kandena datu.

2 SAMUEL 20:26

Sia Ira, iamoto Yair, rengke’ kalena Daud.

2 SAMUEL 12:25

Nasuami tu nabi Natan ussangai Yedija, belanna pa’poraianNa PUANG.

2 SAMUEL 8:18

na iatu Benaya, anakna Yoyada, pangulunna to Kreti sia to Pleti sia iatu anakna muane Daud iamo to minaa.

2 SAMUEL 7:2

Ma’kadami datu lako nabi Natan, nakua: Aku te unnisungna’ lan tongkonan layuk kayu arasi’ na iatu pattinNa Puang Matua unnisung lan tenda dikulambu.

1 DATU 4:6

na Ahisar tu pangulu sandan uainna datu, sia Adoniram, anakna Abda, kapalana to umpasirundunan pa’diaman lompo.

2 SAMUEL 5:14

Iamote tu sanganna mintu’ anak dipadadianni dio Yerusalem: Syamua, Sobab, Natan, Salomo.