1 DATU 4:21 - Sura' Madatu

²¹ Iatu datu Salomo umparenta mintu’ kadatuan randuk dio mai salu Efrat sae lako tondok to Filistin, landa’ lako lili’na Mesir; iatu tau iato mai ma’kasian sia mengkaola lako Salomo lan mintu’ allo katuoanna.

1 DATU 4:21 Referans Kwoze

KADADIAN 15:18

Allo ia dukamoto anNa basse kada tu PUANG sola Abram, Nakua: Kubenmo bati’mu tu padang iate, angge dio mai salu Mesir landa’ lako salu kapua iamotu salu Efrat:

YOSUA 1:4

Randuk dio mai padang pangallaran sia iato Libanon dio, sae lako salu kapua, iamotu salu Efrat, mintu’ lili’na padang to Het, sia sae lako tasik kapua, dio rampe matampu’, mintu’nato nalili’ tondokmi.

PA’PUDIAN 68:29

Nasuamoko kuasa Kapenombammu, ammu pokuasai; o Puang Matua pa’pekitanammi tu kuasamMi, Kamumo, tu mangka umposara’kan.

1 DATU 4:24

Belanna naparenta datu tu mintu’ lili’ indena mai salu Efrat, randuk dio mai Tifsah sae lako Gaza, iamotu mintu’ datu indena mai Salu, anna marampa’ tu datu tiku lao.

KATASSURAN 23:31

Iatu lili’ tondokmu la Kukamaseangko randuk dio mai tasik Teberau sae lako tasik to Filistin sia dio mai padang pangallaran sae lako salu Efrat belanna mintu’ tau lan tondok iato la Kusorong tama limammu, ammu rambai tu tau iato mai dio mai tingayomu.

PA’PUDIAN 76:11

Manassa napudiKomi tu to masarrang, sia to masarrang tinampepa Mitaro’to’.

EZRA 4:20

Sia den duka dolona tu mai datu tarompo’ umparenta Yerusalem, tu ungkuasai mintu’ lili’ sambalinna lu Salu sia iatu nanii tau umbaya’ sima ulu sia sassung sia sima balukan.

2 OSSORANNA DATU 32:23

Budami tu tau umbaa pamengan lako Yerusalem lako PUANG, sia pareanan keangga’ lako Hizkia, datu Yehuda. Randuk dio mai attu iato, dipamatandemi tu datu dio pentirona mintu’ bangsa.

2 OSSORANNA DATU 17:5

Napamanda’mi PUANG tu kuasa kadatuan lan limanna Yosafat, na iatu mintu’ to Yehuda pada sae umpennoloan pamengan lako Yosafat, naurunganni sugi’ lallang sia mala’bi’ tongan.

PA’TOLE 11:24

Mintu’ inan tu milesemo la mipoapa; dio mai padang pangallaran sae lako Libanon, dio mai salu, iamotu salu Efrat, sae lako tasik rampe matampu’, la nanii tu angge lili’mi.

2 DATU 17:3

Ke’de’mi tu Salmaneser, datu to Asyur, la ullaoi, apa iatu Hosea lumbang baka direngnge’ lako sia umbaya’ sima.

1 SAMUEL 10:27

Apa den tu ba’tu pira to bulituk ma’kada, nakua: Umba nakua la urrampanangki’ te? Sia napamatuna tau iato mai sia tae’ nama’kasian lako kalena, apa nakappai bang Saul tu iannato.

2 SAMUEL 8:2

Sia natalo duka tu to Moab, sia nasua mamma’ tungara diong padang, nasuka’i ulang; iake naalaoi ulang pesuka’ sipenduan, iamo dipatei, na iatu ganna’na sipissan ulang pesuka’, iamo dipatuo. Susimoto tu to Moab mengkanorong lako Daud sia umbaya’ sima.

2 SAMUEL 8:6

Sia napao’ko’imi Daud surodadu ma’kampa lan tu ba’tu pira-pira tondok dio Aram lili’na Damsyik, anna lumbang baka direngnge’ tu to Aram lako Daud sia umbaya’ sima. Susimoto tu PUANG ungkamasei Daud kapataloan umba-umba nanii male.

1 DATU 3:13

Sia ia duka tu apa tae’ mupalakui, la Kukamaseangko, la kasugiran la kamala’biran, naurunganni dio lu mintu’ datu lan mintu’ allo katuoammu tae’ tu padammu.

1 DATU 4:22

Iatu kandena Salomo lan sangallo den tallungpulo koro’ ta’pung manissang na annan pulona koro’ ta’pung.

1 DATU 12:4

Napamatana’mo ambe’mi tu pamaangki sola nasang te; totemo la mipamaringngan tu pa’diaman magasanna ambe’mi sia pamaan matana’na, tu napapassanangkan, anna kami te sola nasang mendadi taummi.

BATING 1:1

A’a, lendu’ ia makarorrongna, te kota marua’ pirangbongi’; sangtintimo misa’ baine balu, tu kuasa dio lu mintu’ bangsa; datu baine dio lu mintu’ lembang, anna mengkanorong dipopa’diama.

YEHEZKIEL 16:13

Sia dibeloiko bulaan sia salaka sia iatu tamangkalemu lenang melo sia sa’be sia sampin dibunga-bungai. Iatu kandemu ta’pung mani’sa’, tani’ enoan sia minna’, ammu maballo tongan, muurunganni dadi datu baine.

TOMANGADA’ 2:25

Belanna mindara tu ma’din kumande sia mindara tu ma’din umpamanaman kalena, ke tangia pa’poraianNa Puang.