1 DATU 3:4 - Sura' Madatu

⁴ Malemi tu datu lako Gibeon la memala’ dio, belanna iamote tu inan madao mala’bi’na tongan; napemalarammi Salomo tu pemala’ ditunu pu’pu’ sangsa’bu dao inan pemalaran iato.

1 DATU 3:4 Referans Kwoze

2 OSSORANNA DATU 7:5

Napemalaranni datu Salomo tu pemala’ duangpulo ndua sa’bu sapi sia saratu’ duangpulo sa’bu domba sola bembe’. Susimoto tu datu sia mintu’ pa’tondokan urrara banuanNa Puang Matua.

2 OSSORANNA DATU 1:3

Malemi tu Salomo sola mintu’ kombongan lako inan madao dinii memala’ dio Gibeon, belanna inde to nanii tu Tenda KasitammuanNa Puang Matua, tu nagaragai Musa, taunNa PUANG, lan padang pangallaran.

1 OSSORANNA DATU 16:39

Apa iatu to minaa Zadok sola mintu’ siulu’na, tu to minaa, (napatorro) dio tingayo kemaNa PUANG dao inan madao nanii memala’ dio Gibeon,

1 OSSORANNA DATU 21:29

Moi na attu iato iatu kemaNa PUANG, tu napabendan Musa sola inan pemalaran dinii mantunu dio padang pangallaran, dao inan madao dio Gibeon,

YESAYA 40:16

Tae’ anna ganna’ tu kayunna Libanon la dipantunui sia iatu olo’-olo’na tae’ naganna’ dipemalaran ditunu pu’pu’.

YOSUA 9:3

Apa iatonna rangimi to Gibeon tu apa mangka napogau’ Yosua lako Yerikho sia Ai,

2 OSSORANNA DATU 30:24

Belanna iatu Hizkia, datu Yehuda, umpa’kamasean sapi laki sangsa’bu na domba sola bembe’ pitungsa’bu lako kombongan; na iatu mintu’ pangulu umpa’kamasean sapi laki sangsa’bu na domba sola bembe’ sangpulo sa’bunna lako kombongan. Buda dukami to minaa umpamasero kalena.

1 DATU 8:63

Iatu pemala’ kasalamaran tu napemalaran Salomo lako PUANG, duangpulo ndua sa’bunna tu sapi sia saratu’ duangpulo sa’bunna tu domba sola bembe’. Susimoto tu datu sola mintu’ to Israel urrarai tu banuanNa PUANG.

YOSUA 10:2

Mataku’ tonganmi tu tau iato, belanna iatu Gibeon kota kapua, susi misa’ kota kadatuan, mandu kapua ia na Ai, sia mintu’ taunna muane lalong nasang.

1 DATU 9:2

ta’kala ombo’mi tonna ma’penduanna tu PUANG lako Salomo, susito dolona ombo’ lako kalena dio Gibeon.

YOSUA 18:21

Inde sia tu kotana suku to Benyamin unturu’ pa’rapuanna, iamotu Yerikho, Bet-Hogla, Emek-Kezis,

1 SAMUEL 13:9

Iamoto nama’kada tu Saul, nakua: Banna’ mai tu pemala’ ditunu pu’pu’ sia pemala’ kasalamaran. Napemalarammi tu pemala’ ditunu pu’pu’.

1 DATU 8:4

anna baai langngan tu pattinNa PUANG sia Tenda Kasitammuan sia mintu’ pareanan maindan tu lan tenda iato; iatu umbaai langngan iamotu mintu’ to minaa sia to Lewi.

YEREMIA 28:1

Iatonna taun iato, iamo tonna tipamulanna kadatuanna Zedekia, datu Yehuda, tonna taun ma’penna’pa’na, bulan ma’pellimanna, ma’kadami tu nabi Hananya, anakna Azur, tu lu dio mai Gibeon lako kaleku, lan banuanNa PUANG dio tingayona mintu’ to minaa sia mintu’ to buda, nakua:

2 OSSORANNA DATU 1:2

Umpatassu’mi misa’ parenta tu Salomo lako mintu’ to Israel, iamotu lako mintu’ kamandang sangsa’bu surodadu sia saratu’ surodadu, lako mintu’ to ma’paolai salu sia lako arungna mintu’ to Israel, iamotu mintu’ pangulu rapu.