1 DATU 22:44 - Sura' Madatu

⁴⁴ Ia manna tu inan madao tae’ naputtai, sangadinna tontong siapa mantunu sia memala’ tu to buda dao inan madao.

1 DATU 22:44 Referans Kwoze

2 OSSORANNA DATU 19:2

Malemi tu Yehu, anakna Hanani, umpessitammui, anna ma’kada lako datu Yosafat nakua: Sipaturokomika untundui tu to tang mekaaluk sia sisangmane to ungkabiri’ PUANG? Iamoto narampoikomi kare’dekan ara’na PUANG.

2 DATU 8:18

Unturu’mi bate lalanna mintu’ datu Israel, susi penggauranna to lan tongkonan layukna Ahab, belanna umpobaine anakna Ahab; napogau’i tu apa kadake dio pentiroNa PUANG.

1 DATU 22:2

Apa iatonna taun ma’pentallun, iatu Yosafat, datu Yehuda male lako umpessitiroi datu to Israel.

2 KORINTUS 6:14

Da mimisa’ ayoka sola to tang ma’patongan; belanna apara tu kasiduluanna kamaloloan na kabattukan? ba’tu umbara nakua sita’pa masiangna tu malillinna?

2 OSSORANNA DATU 21:6

Umpeolaimi gau’na mintu’ datu Israel, susi penggauranna to lan tongkonan layukna Ahab belanna umpobaine anakna Ahab sia umpogau’ apa kadake dio pentiroNa PUANG.

2 DATU 8:16

Iatonna taun ma’pellima kadatuanna Yoram, anakna Ahab undatui to Israel, – tonna Yosafat undatui to Yehuda –, dadimi datu tu Yoram, anakna Yosafat, umparenta to Yehuda.

1 DATU 3:2

Attu iato iatu mintu’ to buda dao bangpa mintu’ inan madao nanii memala’, belanna sae lako allo iato tae’pa banua dipabendanan sanganNa PUANG.

1 DATU 3:3

Sia napapayan Salomo tu kamamaliranna lako PUANG diona unturu’ apa napondok Daud ambe’na; apa dao bangpa inan madao nanii memala’ sia untunu pemala’ ditunu pu’pu’.

YESAYA 65:7

la kakadakeammi, la iatu kakadakeanna nene’ to dolomi, kadanNa PUANG; belanna untunumo dupa dao buntu sia umbe’seNa’ dao mintu’ tanete, iamoto anna ia bunga’na la Kusuka’ tama rianna tu pakkan penggauranna.