1 DATU 21:3 - Sura' Madatu

³ Apa ma’kada tu Nabot lako Ahab, nakua: Napatoyangmira PUANG dio mai kaleku la ussorongi mati’ kalemi tu mana’ nene’ to doloku.

1 DATU 21:3 Referans Kwoze

KADIBILANGAN 36:7

Belanna iatu misa’ taa mana’na to Israel tae’ na la lele dio mai misa’ suku lako senga’na, apa iatu to Israel la pantan manda’ bang umpoapai tu taa mana’na suku nene’ to dolona.

SURA’ KATOMINAAN 25:23

Iatu padang iato tae’ na la dibaluk sae lakona, belanna padangKu sia kamu to sae sia to mentiruran tu torro dio padangKu.

YEHEZKIEL 46:18

Apa iatu arung tae’ nama’din unnalai tu taa mana’na to buda belanna napakario-rio, sangadinna mana’na siamo tu la naba’gianni tu mai anakna muane, kumua da naden misa’ taungKu diula’i dio mai mana’na.

ROMA 6:15

Umbamo la nakua? La umpogau’moriki’ka kasalan, belanna tangiaki’ to umpentionganni Sukaran aluk, sangadinna umpentionganni pa’kamasean? Inang tae’ ia to!

GALATIA 6:14

Apa dennoupa’ da’ angku massattuan, sangadinna ke diona kayu pea’ta’Na Puangta Yesu Kristus, ia dukamo bannangnato, anna iate lino tia’ta’mo, namateammo kaleku sia susi duka kaleku to lako te lino.

1 KORINTUS 6:15

Tae’raka miissanni kumua iatu kalemi lesoan Kalena Kristus? Sipaturaka la kubaa tu lesoan Kalena Kristus, angku popendadii lesoan kalena baine sala’ kedo? Tae’ maro’ ia to.

ROMA 7:13

Iake susito, iatu melona la napasaeanra’ka kamatean? Inang tae’ ia to! Sangadinna ia bangsiamo tu kasalan, anna payanan kumua iamo kasalan, tu umpake kameloan umpasaeanna’ kamatean, anna bannang dio atoran nanii payan tu kakapuanna tongan kasalan.

ROMA 7:7

Apara la tapokada totemo? Dosaraka tu Sukaran aluk? Inang tae’ ia to. Sangadinnari tae’ kutandai tu kasalan, kenna tang Sukaran aluk, belanna tae’ kutandai tu kamailuan, kenna tae’ Sukaran aluk kumua: Da mumailu.

ROMA 6:2

Inang tae’ ia to! Iatu kita mangkannamo mate tilendok dio mai kasalan, umbapa la takua tuo lan?

ROMA 3:31

Iake susito, umpadamparakannika Sukaran aluk belanna kapatonganan? Inang tae’ ia to; sangadinna untonganangkan Sukaran aluk.

ROMA 3:6

Inang tae’ ia to! Belanna iake susito, umbamo la Nakua tu Puang Matua umpaolai salunna te lino?

ROMA 3:4

Inang tae’ ia to! Sangadinna inang tonganna susitu dipokada kumua tongan Ia tu Puang Matua, apa mintu’na tolino buttok, susi tu disura’ kumua: AmMi payanan tongan dio kadamMi sia pataloKomi ke dipasalaKomi.

AYUB 27:5

La toyang dio mai kaleku tu la ussanda tongannikomi; sae lako ka’tunna sunga’ku tae’ angku rampanan kadangku, kumua tae’ kukasalan len.

1 OSSORANNA DATU 11:19

Anna ma’kada nakua: Napatoyangmira Kapenombangku la umpogau’i tu susinna te! La kuiru’raka tu rarana tau iate mai, iamotu sondana katuoanna? Belanna untibe sunga’na te tau iate mai, umbaai. Tae’mi namorai unniru’i. Susimoto tu penggauranna tinde to lalong sola tallui.

1 SAMUEL 24:6

Apa iatonna mangkato, inang ma’rundede duka tu penaanna Daud, belanna mangkamo nase’pa’i tu biring bayu lamba’na Saul.

1 SAMUEL 12:23

Na iatu aku kurannuan tongan la dipamambela dio mai kaleku umpogau’i te kasalan iate lako PUANG, iamotu la tadang umpengkamoyangkomi; sangadinna la kuada’ikomi tu lalan melo sia tongan.

YOSUA 24:16

Mebalimi tu bangsa iato nakua: La toyang ia dio mai kaleki tu la umboko’i PUANG sia umpenombai kapenomban senga’.

YOSUA 22:29

La kipatoyang ia dio mai kaleki la umbali PUANG sia sorong-boko’ dio mai PUANG allo iate, ke la umbangunkan inan pemalaran la dinii umpemalaran pemala’ ditunu pu’pu’ sia kande dipemalaran sia pemala’ pangrere’, sangadinna inan pemalaranNa PUANG, Kapenombangki, tu bendan dio tingayo kemaNa.

KADADIAN 44:17

Ma’kadami Yusuf nakua: Toyang ia dio mai kaleku la umpogau’i tu susinnato, sangadinna iatu to dinii ungkabu’tui tu irusan, iamo la kupokaunan, apa iate kamu sola nasang, ke’de’ marampa’mokomi male langngan ambe’mi.

KADADIAN 44:7

Mebalimi lako tu tau iato mai nakua: Ma’apari mima’kada susira to, puang? Toyang kami dio mai kaleki la umpogau’i tu penggauran susito!

KADIBILANGAN 36:9

Belanna iatu taa mana’ tae’ na la lele dio mai misa’ suku lako senga’na, apa iatu to Israel la pantan manda’ bang umpoapa taa mana’na.