1 DATU 2:43 - Sura' Madatu

⁴³ Iamoto ma’apai anna tae’ ammu karitutui tu sumpa tete dio PUANG sia pepasan mangka kupadudungangko?

1 DATU 2:43 Referans Kwoze

ROMA 13:5

Iamoto sipatuko umpopengkanorong kalemu, tangia kumua diona manna tu kasengkean, sangadinna diona duka sukaran inaa.

TOMANGADA’ 8:2

Palan penaai tu parentana datu, tu belanna iamora tu sumpa mangka muposumpa ussa’bu’ sanganNa Puang Matua.

2 OSSORANNA DATU 30:12

Dio duka Yehuda lalo tu kuasanNa PUANG, anna sanginaa tu tau iato mai unturu’ pepasanna datu sia mintu’ pangulu susitu kadanNa PUANG.

2 SAMUEL 21:2

Natambaimi datu tu to Gibeon anna ma’kada lako kalena. – Iatu to Gibeon tae’ nasangbilangan to Israel, sangadinna sangbilangan tu to Amori disesannapa; moi namangkamo sibasse sia sisumpa to Israel tu tau iato mai, apa undaka’ lalan tu Saul la ussanggangi tu tau iato mai, belanna kamatutturanna tu la napomelona to Israel sia to Yehuda –.

1 DATU 2:42

Mesuami datu untambai Simei, nama’kada tu datu lako nakua: Tang kusumparokoka tete dio PUANG sia kupakulu-kulu tonganko kumua: Ia bangsiato allo munii sun dio mai male umba-umba nii, la muissan kumua manassa la mate dipongkoko? Mukuami lako kaleku: Tonganna te kadammi, la kududung.

1 DATU 2:44

Sia nakuapa tu datu lako Simei: Muissan duka sia tu mintu’ kakadakean – lan duka sia penaammu – tu mugauran ambe’ku Daud; totemo la Napasule PUANG langngan ulummu tu mintu’ kakadakeammu.