1 DATU 19:8 - Sura' Madatu

⁸ Millikmi anna kumande sia mangiru’ na kande iate napomatoto’ lumingka patangpulo allona patangpulo bonginna sae lako buntunNa Puang Matua, iamotu Horeb.

1 DATU 19:8 Referans Kwoze

KATASSURAN 34:28

Torromi tu Musa dao sola PUANG patangpulo allona patangpulo bonginna, tang ungkande roti sia tang unniru’ uai; Nasura’mi PUANG dao papan tu mintu’ kada basse, iamotu Sangpulo Kada.

MATIUS 4:2

Iatonna patangpulomo allona patangpulo bonginna Nanii ma’puasa, katampakanna tangdia’mi.

PA’TOLE 9:18

Pakalan tukkumo’ menomba dio oloNa PUANG, susitu dolona, patangpulo allona patangpulo bonginna – tang ungkande roti sia tang unniru’ uai – belanna mintu’ kasalan mipogau’, iamotu umpogau’komi apa kadake dio pentiroNa PUANG, sia umpa’dikki penaanNa.

KATASSURAN 24:18

Malemi tu Musa tama gaun iato, nakendek langngan buntu; anna torro dao buntu iato patangpulo allona patangpulo bonginna.

KATASSURAN 3:1

Iatu Musa ullaai bembe’ sia dombana Yitro, matusanna, to minaa dio Midian. Den pissan tonna baai tu bembe’ sia dombana ullendu’i padang pangallaran, rampomi lako buntunNa Puang Matua, disanga Horeb.

2 KORINTUS 12:9

Nakuami ungkuanna’: Silasamo tu pa’kamaseangKu lako kalemu, belanna dipasundun lan kalanggaran tu kamatotorangKu. Iamoto kula’biran ussattuan kalanggarangku, anna torroina’ tu kamatotoranNa Kristus.

LUKAS 4:2

Narosomi deata bulituk patangpulo allona. Iato lan mintu’na allo iato tae’ bang apa Nakande. Iatonna lendu’mo tu allo iato mane tangdia’ri.

MARKUS 1:13

Patangpulo allona dio tu padang pangallaran naroso deata bulituk anNa sisola bang olo’-olo’ masuru, sia malaeka’ ungkamayai.

DANIEL 1:15

Iatonna upu’mo sangpulo allona natiromi kumua mandu maelo ia tu rupanna sia malompo tu kalena tau iato mai anna iatu mintu’ to mangura ungkande kandena datu.

KATASSURAN 19:18

Mintu’ tu buntu Sinai merambu, belanna songlo’mo tu PUANG lan api sae dao, anna kendek tu rambunna, susi rambu dapo’ sia lendu’ tigega’na tu mintu’ buntu iato.

KATASSURAN 4:27

Ma’kadami PUANG lako Harun, Nakua: Maleko sitammu Musa lako padang pangallaran. Malemi naappa’i dio taneteNa Puang Matua, anna udungi.

1 DATU 19:7

Sae pole’omi tu malaeka’Na PUANG tonna ma’penduan, anna remme’i sia ma’kada nakua: Millikko kumande, kopako manii, belanna mambelapa tu lalanmu.

1 DATU 17:6

Saemi kaduaya umbanni roti sia duku’ ke melambi’, susi dukato nabaan roti sia duku’, ke makaroen, anna uai salu nairu’.