1 DATU 17:3 - Sura' Madatu

³ Ke’de’ko inde te ammu ma’palulako matallo, ammu membuni dio randan salu Kerit, tu ma’minanga tama Yordan.

1 DATU 17:3 Referans Kwoze

KADA OMBO’ LAKO RASULU’ YOHANES 12:14

Dibenmi baine iato tu da’dua pani’ langkan maega kapua, kumua anna kullei mettia’ lako padang aak, lako to’ inanna, tu inan dinii undaranai lan misa’ attu sia lan dua attu sia lan sangsese attu, mambela dio mai pakitanna ula’.

KADA OMBO’ LAKO RASULU’ YOHANES 12:6

Mallaimi tu baine iato lako padang aak; inde to, den misa’ inan Naparandananni Puang Matua, kumua anna didaranai inde to dio sangsa’bu duaratu’ annan pulona allona.

IBRANI 11:38

Tonganna iatu issinna te lino tae’ nasielle’ lako tau iato mai; tau iato mai salamba salao dio lu padang aak sia dao lu mintu’ buntu sia lo’ko’ sia pamombong.

PENGGAURANNA RASULU’ 17:14

Ta’pa nasuami to sangsiuluran tu Paulus male ma’palurokko to’ tasik. Apa iatu Silas sola Timotius torro dio.

YOHANES 8:59

Pada unnalami batu la morai untumbui batu, apa mentirerung tu Yesu Nasun lan mai Banua Kabusungan.

YEREMIA 36:26

Mangkato nasuami datu tu Yerahmeel, anak arung, sia Seraya, anakna Azriel, sia Selemya, anakna Abdeel, untingkan Barukh, to massura’ sia nabi Yeremia, apa Nabunimo PUANG sola duai.

YEREMIA 36:19

Nakuami tu mintu’ arung iato lako Barukh: Malemokomi membuni, la iko la Yeremia; moi misa’ tau da naissanni tu mininna.

PA’PUDIAN 83:3

Belanna tiromi, marukka nasangmo tu mintu’ ualimMi, sia mintu’ to ungkabiri’Komi umbangunan ulunna.

PA’PUDIAN 31:20

Tangpada kapuana tu kamasokanamMi, tu Miparandanan to ungkataku’Komi, sia iatu Mipogau’namo lako to umpentionganniKomi, tu nata’pai matanna mintu’ ma’rupa tau.

1 DATU 22:25

Apa ma’kada tu Mikha nakua: Manassa la mutiro sia tu allona, tu la munii mallai membuni dio bilik misa’ lako bilik senga’.

1 DATU 17:2

Mangkato rampomi tu kadanNa PUANG lako, nakua:

1 DATU 17:4

Ia bang la muiru’ tu uai salu iato sia Kusuamo tu kaduaya la umbenko kande.