1 DATU 17:10 - Sura' Madatu

¹⁰ Ke’de’mi tu Elia anna male lako Sarfat. Iatonna lambi’mi tu babangan kota, denmi dio tu misa’ baine balu marassan urruruk kayu; metambami tu Elia lako nakua: Alanna’ uai sidi’ lan mai busso, angku iru’i.

1 DATU 17:10 Referans Kwoze

YOHANES 4:7

Saemi misa baine to Samaria la untimba uai; Nakuami Yesu lako: Benna’ uai Kuiru’i.

KADADIAN 24:17

Ma’dondomi lako tu ruranan iato nama’kada nakua: Benna’ dikka’ kuiru’i sidi’ tu uai lan mai bussomu.

IBRANI 11:37

Sia ditumbui batu, sia digare’ge’, sia diroso, sia mate dipongko pa’dang, sia salamba-salao ma’tamangkale balulang domba sia balulang bembe’, nakapu’duran sia dipakario-rio sia dipakitai pa’di’.

2 KORINTUS 11:27

Lan kamara’tasan sia kamasussan, pembudana’ maroya, lan katangdiaran sia kama’rangan, pembudana’ mangelo, naalana’ sangkang sia tang ma’tamangkale.

KADADIAN 21:15

Iatonna puramo tu uai lan kiriba’ napamamma’mi tu pia dio to’ kakayuanna.

1 DATU 17:11

Iatonna malemo unnalanni, metamba pole’omi nakua: Ban dukana’ roti sangsasa’.