1 DATU 16:3 - Sura' Madatu

³ iamoto angKu la ummangsanni tu Baesa sola bati’na sia la Kupasusi bati’na Yerobeam, anakna Nebat, tu bati’mu.

1 DATU 16:3 Referans Kwoze

1 DATU 14:10

Iamoto manassa la Kuparampoi kamandasan tu bati’na Yerobeam. Sia iatu mai muane, bati’na Yerobeam, la Kumangsanni sola nasang, la to mala’bi’na la to bitti’na dio lu to Israel. Kusapui tu mai bati’na Yerobeam, susito ussapui tai, naurungan tae’mo tinampe len.

YEREMIA 22:19

Sangadinna la nalamun tau susito ullamun keledai mate, iamotu diriu’ sia ditibe dio lu salian babangan Yerusalem.

YESAYA 66:24

La sun tu tau iato mai sia la natiro tu batang rabukna mintu’ to sorong boko’mo dio mai Kaleku; belanna iatu ulli’na tae’ nala mate sia iatu apinna tang la pa’de, sia la dadi misa’ apa napomataku’ mintu’ ma’rupa tolino.

2 DATU 9:9

Attu iato iatu bati’na Ahab la Kupasusi bati’na Yerobeam, anakna Nebat, sia bati’na Baesa, anakna Ahia.

1 DATU 14:11

Minda-minda tu bati’na Yerobeam mate lan lu kota, la nakande asu, na minda-minda mate dio lu padang la nakande manuk-manuk dao lu langi’. Belanna Napokadamo PUANG.