1 DATU 16:16 - Sura' Madatu

¹⁶ Iatonna rangimi to buda tu umpatama limbu kota iato, kumua: iatu Zimri umpaden kasiturusan, sia mangka dukamo umpatei datu, naangka’mi mintu’ to Israel tu Omri, kamandang surodadunna to Israel dadi datu lan allo iato dio to’ inan nanii ma’tenda.

1 DATU 16:16 Referans Kwoze

MIKHA 6:16

Belanna mintu’ tu apa napondok Omri dikaritutui sia mintu’ penggauranna to lan banuanna Ahab, sia lolangko unturu’ pa’timbanganna, kumua angKu popendadiko misa’ apa metirambanan sia iatu mintu’ pa’tondokkanna la Kupadadi misa’ apa ditatta; susimokomito la umpassanni tu kadilo’boanna taungKu.

2 OSSORANNA DATU 22:2

Iatu Ahazia patangpulo ndua taunna tonna dadi datu, anna ma’parenta sangtaun dio Yerusalem. Iatu indo’na disanga Atalya, ampona Omri.

2 DATU 8:26

Iatu Ahazia tonna dadi datu, duangpulomo ndua taunna, anna ma’parenta dio Yerusalem sangtaun; iatu indo’na disanga Atalya, ampona Omri, datu to Israel.

1 DATU 16:30

Iatu Ahab, anakna Omri, umpogau’ apa kadake dio pentiroNa PUANG, mandu kadake anna iatu mintu’ to dolona.

1 DATU 16:15

Iatonna taun ma’penduangpulo mpitu tu Asa umparenta to Yehuda, dadimi datu tu Zimri dio Tirza pitung allo; tonna marassan tu to buda umpatama limbu Gibeton, lili’ to Filistin.

1 DATU 16:17

Ke’de’mi tu Omri sola mintu’ to Israel dio mai Gibeton, anna patama limbui tu Tirza.

1 DATU 15:27

Iatu Baesa, anakna Ahia, dio mai rapu Isakhar, umpaden kasiturusan la unneai. Napatei Baesa dio Gibeton, lili’ to Filistin, tonna patama limbui Nadab sola mintu’ to Israel tu Gibeton.