1 DATU 14:7 - Sura' Madatu

⁷ Malekomi mpokadanni Yerobeam kumua: Inde sia tu kadanNa PUANG, Kapenombanna to Israel, kumua: Kuangka’moko dio lu te to buda sia Kupadadimoko datunna te taungKu to Israel;

1 DATU 14:7 Referans Kwoze

1 DATU 16:2

Tu belanna Kuangka’moko diong mai to’ barra’-barra’ angKu padadiko arungna taungKu to Israel, apa urrundu’moko bate lalanna Yerobeam sia ussua taungKu to Israel umpogau’ kasalan sia umpa’dikki penaangKu napobua’ mintu’ kasalanna,

1 DATU 12:24

Inde sia tu kadanNa PUANG: Da milaoi ba’tu urrarii tu mai sangsiulurammi to Israel, sangadinna pantan la sulekomi lako to’ banuammi, belanna Aku anna dadi tu apa iate. Naturu’mi tau iato mai tu kadanNa PUANG, anna sule, susitu kadanNa PUANG.

1 SAMUEL 15:16

Nakuami Samuel lako Saul: Kappakomi, angku pokadangkomi tu kadanNa PUANG, tu rampo lako kaleku sangmai’ bongi. Mebalimi Saul lako, nakua: Pokadami.

1 DATU 11:28

Na iatu Yerobeam misa’ to malinta’; iatonna tiromi Salomo, kumua iate pia muane iate birisan dio pa’diamanna, naangka’mi umpangului mintu’ to ma’diama dio mai pa’rapuanna Yusuf.

1 DATU 14:6

Iatonna rangi Ahia tu kumani’ki’na pentengkana, tonna mentengka tama ba’ba, nakuami: Tamakomi mai, e bainena Yerobeam. Ma’apai ammi susito sae umbalili kalemi? Akumo disua umparampoangkomi te kada malada.

HOSEA 13:11

Kubenmoko misa’ datu situang kasengkeangKu sia Kuala pole’ situang kamagalliangKu.

1 DATU 11:35

Apa la Kualai lan mai limanna anakna tu kadatuan, angKu benko tu sangpulo suku.

1 DATU 11:37

La Kuangka’ko ammu parentai tu mintu’ angge naporainna penaammu sia la undatuiko to Israel.

1 DATU 13:34

Iatu penggauran tontongnato napokasalan bati’na Yerobeam, naurunganni disanggang sia disabu’i dao mai kuli’na padang.